అష్టోత్తరశత సతీ అశ్వధాటి (సతీ శతకము). 70వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

70. కన్నన్ నినున్ గలుగు మిన్నైన సత్ఫలము కన్నార గాంతుము నినున్.

నిన్నెంచు కన్నులకు మన్నించి కన్బడుమ పున్నెంబునే కొలుపుమా.

మన్నించి నిన్గనెడి కన్నుల్ కదా కనులి కన్నెంబు లెన్నఁ గనులా? 

జన్నంబు లెందులకు కన్నార నిన్ గనిన, పున్నెంబురాశివి సతీ!

భావము.

ఓ సతీ మాతా! నిన్ను చూచినచో గొప్పదయిన మంచి ఫలితము మాకు 

తప్పక సంభవించునమ్మా. కావున కనులనిండుగా నిన్ను చూచెదము తల్లీ! 

నిన్ను భావించే కన్నులకు మన్నించుచు తప్పక కనఁబడుము. మాకు 

పుణ్యఫలమును ప్రసాదింపుమౌ. నిన్ను గౌరవించుచు చూచెడి కన్నులే 

కదా కన్నులు. అట్టివి కాని కన్నులు కన్నులెట్లగునమ్మా? నీవు పుణ్యముల 

రాశివి. నిన్ను కనులారా చూచినచో ఇక యజ్ఞములతో 

పనియేమున్నదమ్మా?

జైహింద్.

Print this post