పున్నెంబుండును బేదలన్ గనుమయా.... శ్రీమన్నారాయణ శతకము .11వ పద్యము. రచన చింతా రామ కృష్ణారావు. గానం శ్రీమతి దోర్బల బాల సుజాత

జైశ్రీరామ్.

11. శా. పున్నెంబుండును బేదలన్ గనుమయా. పోషింపఁగా లేక తా

మన్నంబైనను బెట్టలేక సుతులన్ బాధించుచున్నారు. నీ

వున్నావన్నది సత్యమై ప్రబలఁగా నోదార్చి పోకార్పు. శ్రీ

మన్నారాయణ!బాధలన్ బ్రజలకున్, మాకీవ మూలంబుగా.

భావము.

ఓ శ్రీమన్నారాయణా!  నీకు పొణ్యముండును.పేదవారిని చూడుము. 

తమ సంతానమును పోషింపలేక కనీసము వారికి అన్నమైనను పెట్టలేక, 

ఆకలిబాధకు లోనగునట్లు చేయుచున్నారు.నీవున్నావన్న విషయము 

సత్యమై వ్యాపించునట్లుగా అట్టి పేదలనోదార్చి, వారి పేదరికము

పోగొట్టుము. శ్రేష్టమైన మనసు కలవాడవయి వారి కష్టములను 

మాపివేయుము.

జైహింద్. 

Print this post