శ్రీ యాదాద్రి లక్ష్మీనృసింహ శతకము 81వ పద్యము .... రచన. చింతా రామకృష్ణారావు. గానం. శ్రీ కుమార సూర్యనారాయణ.

జైశ్రీరామ్.

81. ఓం వైశాఖ శుక్ల భూతోత్ధాయ నమః.

నవనందిని వృత్త గర్భ సీసము.

అనుపమానుఁడ! కమలాక్ష! నీ దయను క -  మ్మని సుఖంబున్, పొంది మనఁగనుంటి.

హృదినున్న శ్రీ కమలేశ! నీ వలన గౌ -  రవము కల్గున్ గదా! రమ్య చరిత!.

కుడిభుజంబై సుమకోమలా! మదిని చొ -  క్కి మనవయ్యా! నీకు కేలు మోడ్తు.

ప్రఖ్యాతిగా సమ భావనన్ గనుమ చ -  క్కఁగ మహాత్మా! కొల్తు గౌరవముఁగ.

గీ. కనగ నవనందినీ వృత్త ఘనుఁడ! నృహరి! - ఉర్వి *వైశాఖశుక్లభూతోత్థ*! రమణ!

భక్త జన పోష! భవశోష! పాపనాశ! - శ్రితజనోద్భాస! యాదాద్రి శ్రీనృసింహ!

81వ సీస గర్భస్థ నవనందిని వృత్తము. (స జ స న గగ .. యతి 9)

కమలాక్ష! నీదయను కమ్మని సుఖంబున్, - కమలేశ! నీ వలన గౌరవము, కల్గున్.

సుమకోమలా! మదిని చొక్కి మనవయ్యా! - సమ భావనన్ గనుమ చక్కఁగ మహాత్మా!

భావము.

భక్తులను పోషించువాఁడా! భవబంధములను నశింపఁజేయువాఁడా! పాపమును నశింపఁజేయువాఁడా! ఆశ్రిత జనమున

ప్రకాశించువాఁడా! ఓ యాదాద్రివాసుఁడవైన లక్ష్మీ నారసింహా! నీయొక్క దయచేత చక్కనైన సుఖముతో మననుంటిని.

నా మదినున్న శ్రీపతీ! ఓ రమ్య చరితా! నీ వలన నాకు గౌరవము కలుగుచున్నది కదా. నవనందినీవృత్తరూప ఘనుడా!  ఓ

వైశాఖశుక్లభూతోత్థ! రమణా!.! నీకు నమస్కరింతును. నాకు కుడిభుజంగా అన్నివిధాలా సహాయ పడుచు మనసులో

ఉండుము. సమభావనతో నన్ను ప్రఖ్యాతిగా చూడుము.

జైహింద్. 

Print this post