ఆహా అద్భుతం...రోమాంచితం చేసే బృందావనం రమేష్ డోలక్ వాద్య నాద, లయ విన్యాసం...

జైశ్రీరామ్.

జైహింద్.

శ్రీశ్రీ ప్రతిజ్ఞ. వారినోటితోనే పాడిన వీడియో.

జైశ్రీరామ్. 

శ్రీశ్రీషష్టిపూర్తి సందర్భంగా విశాఖపట్టణంలో1970లో

తెన్నేటి విశ్వనాథం గారికి తాపీధర్మారావుగారికి మధ్యలో నేను నిలబడి యున్నాను.

ప్రతిజ్ఞ

పొలాల నన్నీ ,

హలాల దున్నీ,

ఇలాతలంలో హేమం పిండగ-

జగానికంతా సౌఖ్యం నిండగ-

విరామ మెరుగక పరిశ్రమించే,

బలం ధరిత్రికి బలి కావించే,

కర్షక వీరుల కాయం నిండా

కాలువకట్టే ఘర్మజలానికి,

ఘర్మజలానికి,

ధర్మజలానికి,

ఘర్మజలానికి ఖరీదు లేదోయ్!

నరాల బిగువూ,

కరాల సత్తువ

వరాల వర్షం కురిపించాలని,

ప్రపంచ భాగ్యం వర్ధిల్లాలని-

గనిలో, పనిలో, కార్ఖానాలో

పరిక్లమిస్తూ,

పరిప్లవిస్తూ

ధనికస్వామికి దాస్యంచేసే,

యంత్రభూతముల కోరలు తోమే,

కార్మిక వీరుల కన్నుల నిండా

కణ కణ మండే,

గలగల తొణికే

విలాపాగ్నులకు, విషాదాశ్రులకు

ఖరీదుకట్టే షరాబు లేడోయ్!

నిరపరాధులై దురద్రుష్టంచే

చెరసాలలలో చిక్కేవాళ్ళూ-

లోహ రాక్షసుల పదఘట్టనచే

కొనప్రాణంతో కనలేవాళ్ళూ-

కష్టం చాలక కడుపుమంటచే

తెగించి సమ్మెలు కట్టేవాళ్ళూ-

శ్రమ నిష్పలమై, జని నిష్ఠురమై,

నూతిని గోతిని వెదికేవాళ్ళూ-

అనేకులింకా అభాగ్యులంతా,

అనాధులంతా,

అశాంతులంతా

దీర్ఘశ్రుతిలో, తీవ్రధ్వనితో

విప్లవశంఖం వినిపిస్తారోయ్!

కావున-లోకపుటన్యాయాలూ,

కాల్చేఆకలి, కూల్చే వేదన,

దారిద్ర్యాలూ, దౌర్జన్యాలూ

పరిష్కరించే, బహిష్కరించే

బాటలు తీస్తూ, పాటలు వ్రాస్తూ,

నాలో కదలే నవ్యకవిత్వం

కార్మిక లోకపు కల్యాణానికి,

శ్రామిక లోకపు సౌభాగ్యానికి

సమర్పణంగా, సమర్చనంగా-

త్రిలోకాలలో, త్రికాలాలలో

శ్రమైక జీవన సౌందర్యానికి

సమానమైనది లేనేలేదని

కష్టజీవులకు, కర్మవీరులకు

నిత్యమంగళం నిర్దేశిస్తూ,

స్వస్తివాక్యములు సంధానిస్తూ,

స్వర్ణవాద్యములు సంరావిస్తూ-

వ్యధార్త జీవిత యధార్ధ ద్రుశ్యం

పునాదిగా ఇక జనించబోయే

భావివేదముల జీవనాదములు

జగత్తుకంతా చవులిస్తానోయ్!

కమ్మరి కొలిమీ, కుమ్మరి చక్రం,

జాలరి పగ్గం, సాలెల మగ్గం,

శరీరకష్టం స్ఫురింపజేసే

గొడ్డలి, రంపం, కొడవలి, నాగలి,

సహస్ర వ్రుత్తుల సమస్త చిహ్నాలు-

నా వినుతించే,

నా విరుతించే,

నా వినిపించే నవీన గీతికి,

నా విరచించే నవీన రీతికి,

భావ్యం!

భాగ్యం!

ప్రాణం!

ప్రణవం.

జైహింద్.

సమతా,కాసులాశ,భవ దూర,మాత కీర్తి,భూ వరదా,చింతన,పొంతన,కాంతి హీన,మంతన,మేలొనరు,సాధ్యమా.కావరము,చైదము,వెలుగు లీను,గర్భ,మా,వరదమ"- వృత్తము,రచన;-వల్లభవఝల అప్పల నరసింహ మూర్తి,

జైశ్రీరామ్. 

చేతి వ్రేళ్ళు సమ ముండునే!చేయ సమము శక్యమా!చింత సుంత శాంతి నెంచుమా! 

భూత ధాత్రి విలు వెంచుమా!భూ యశమది నెంచుమా!పొంత నంబు గల్గు మంతనన్!

ఖ్యాతి నొందు తలపేదయా?!గాయ పరప న్యాయమా!కాంతి నీయు దివ్వె కాగదే!

మాత కీర్తి మదిం గోరుమా!మా,యమ కరుణింపగా!మంతనంబు చేయు మేలుకై!

సృజనాత్మక గర్భ కవితా  స్రవంతి యందలి"ఉత్కృతి"ఛుదము లోనిది,

ప్రస నియమము కలదు,పాదమునకు"26"అక్షరములుండును,

యతులు,10,18,అక్షరములకు చెల్లును,

వివరణ;-జన్మతహా చేతి వ్రేళ్ళన్నియు నొకేతీరు నుండవు,వాటిని సమము చేయ

నశక్యము,అట్లే జగతియందు,ప్రాజ్ఞత హెచ్చు తగ్గులు గోచరించు చుండును,

సమము చేయ నశక్యము,వీలు పడినంత సాయపడ వలెనే గాని,మితిమీరు 

స్వార్ధము,ధనాపేక్షతో.సమము చేయ నెంచిన.నేపు గడించిన వ్రేళ్ళను దునుము 

టగును,జగతి మొండి దగును,పోషణ ఏ వ్రేలికి కరువైనను!చేతికి ముప్పు వాటిలక

తప్పదు,అట్లే అన్ని వ్రేళ్ళకు సమ ప్రాధాన్యత యిచ్చిన,లోకము వైజ్ఞానిక సాంకేతిక

రంగములందు ముందు నిల్చును,చదువుకు తగిన ప్రాధాన్యత సమకూడని

కారణము ననే మనవారు పై దేశములకు బ్రతుకు తెరవుకై పోవు చుండిరి,

అసంబద్ధ చేష్టల ప్రభావమును గమనించు చున్న ప్రకృతి ధర్మ రక్ష ణార్ధమై

ప్రకోపించి భూభారమును తగ్గించి సమత మమతలను కాపాడి యుగముల

సమ తుల్యత కాపాడును,అందుకేభగవద్గీతలో"భగవంతుడు ధర్మ సంస్తాపనాయ

సంభవామి యుగే యుగే!అని వచించెను,తల్లి జన్మ నిచ్చిన తనయు లందరు

యొకేతీరు నుండరు,మన భారత సంస్కృతి భిన్నత్వములో యేకత్వమ్.

అందుచే తల్లి,తండ్రి,గురువు,దైవములందు భక్తి విశ్వసములు చిన నాటి నుండే

నేర్పించ వలెను,

1,గర్భగత"-సమతా"-వృత్తము,

చేతి వ్రేళ్ళు సమ ముండునే!

భూత ధాత్రి విలు వెంచుమా!!

ఖ్యాతి నొందు తలపే దయా?

మాత కీర్తి  మదిం గోరుమా!

అభిజ్ఞా ఛందము నందలి"బృహతి"-ఛందము లోనిది,

ప్రాస నియమము కలదు,పాదమునకు"9"అక్షరము లుండును,

2.గర్భగత"-కాసులాశ"-వృత్తము,

చేయ సమము శక్యమా!

భూ యశ మది నెంచుమా!

గాయ పరప న్యాయమా?

మా, యమ కరుణింపగా!

అభిజ్ఞా ఛందము నందలి"అనుష్టుప్"ఛందము లోనిది,

ప్రాస నియమము కలదు,పాదమునకు"8"అక్షరము లుండును,

3.గర్భగత"-భవదూర"-వృత్తము,

చింత సుంత శాంతి నెంచుమా!

పొంతనంబు  గల్గు మంతనన్!

కాంతి నీయు దివ్వె కాగదే!

ఘంతనంబు చేయు మేలుకై!

అభిజ్ఞా ఛందము నందలి బృహతి"-ఛందము లోనిది.

ప్రాస నియమము కలదు,పాదమునకు"9"అక్షరము లుండును,

4.గర్భగత"'మాత కీర్తి"-వృత్తము,

చేతి వ్రేళ్ళు సమ ముండునే!చేయ సమము శక్యమా!

భూత ధాత్రి విలు వెంచుమా!!భూ యశమది నెంచుమా!

ఖ్యాతి నొందు తలపేదయా?!గాయ పరప న్యాయమా!

మాత కీర్తి మదిం గోరుమా!మా యమ కరుణింపగా!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము లుండును,

యతి"10"వ యక్షరమునకు చెల్లును,

5,గర్భగత"-భూ వరదా"-వృత్తము,

చేయ సమము శక్యమా!చేతి వ్రేళ్ళు సమ ముండునే!

భూ యశ మది నెంచుమా!భూత ధాత్రి విలు వెంచుమా!

గాయ పరప న్ఖ్యాయమా!ఖ్యాతి నొందు తలపేదయా?

మా, యమ కరుణింపగా!మాత కీర్తి మదిం గోరుమా!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము లుండును,

యతి"9"వ యక్షరమునకు చెల్లును,

6.గర్భగత"-చింతన"-వృత్తము,

చేతి వ్రేళ్ళు సమ ముండునే!చింత సుంత శాంతి నెంచుమా!

భూత ధాత్రి విలు వెంచుమా!పొంతనంబు గల్గు మంతనన్!

ఖ్యాతి నొందు తలపేదయా?కాంతి నీయు దివ్వె కాగదే!

మాత కీర్తి మదిం గోరుమా!మంతనంబు చేయు మేలుకై!

అణిమా ఛందము నందలి"ధృతి"ఛందము లోనిది,

ప్రాస నియమము కలదు,పాదమునకు"18"అక్షరము లుండును,

యతి"10"వ యక్షరమునకు చెల్లును,

7.గర్భగత"-పొంతన"-వృత్తము,

చింత సుంత శాంతి నెంచుమా!చేతి వ్రేళ్ళు సమముండునే!

పొంతనంబు గల్గు మంతనన్!భూత ధాత్రి విలు వెంచుమా!

కాంతినీయు దివ్వె కాగదే!ఖ్యాతి నొందు తలపేదయా?

మంతనంబు చేయు మేలుకై!మాత కీర్తి మదిం గోరుమా!

అణిమా ఛందము నందలి"ధృతి ఛందము లోనిది,

ప్రాస నియమము కలదు, పాదమునకు"18"అక్షరము లుండును,

యతి"10"వ యక్షరమునకు చెల్లును,

8.గర్భగత"-కాంతిహీన"-వృత్తము,

చేయ సమము శక్యమా!చింత సుంత శాంతి నెంచుమా!

భూ యశమది నెంచుమా!పొంతనంబు గల్గు మంతనన్!

గాయ పరప న్యాయమా!కాంతి నీయు దివ్వె కాగదే!

మా, యమ కరుణింపగా!మంతనంబు చేయు మేలుకై!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము లుండును,

యతి.9,వ యక్షరమునకు చెల్లును,

9,గర్భగత"మంతనము"-వృత్తము,

చింత సుంత శాంతి నెంచుమా!చేయ సమము శక్యమా!

పొంతనంబు గల్గు మంతనన్!భూ యశమది నెంచుమా!

కాంతి నీయు దివ్వె కాగదే!గాయ పరప న్యాయమా!

మంతనంబు చేయు మేలుకై!మా, యమ కరుణింపగా!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము లుండును

యతి"10,వ యక్షరమునకు చెల్లును,

10,గర్భగత"-మేలుచేయు"-వృత్తము,

చేయ సమము శక్యమా!చేతి వ్రీళ్ళు సమముండునే!చింత సుంత శాంతి నెంచుమా !

భూ యశమది నెంచుమా!భూత ధాత్రి విలు వెంచుమా!పొంతనంబు గల్గు మంతనన్!

గాయ పరప న్యాయమా!ఖ్యాతి నొందు తలపేదయా?కాంతి నీయు దివ్వె కాగదే!

మా,యమ కరుణింపగా!మాత కీర్తి మదిం గోరుమా!మంతనంబు చేయు మేలుకై!

అనిరుద్ఛందము నందలిఉత్కృతి"-ఛందము లోనిది,

ప్రాస నియమము కలదు,పాదమునకు "26"అక్షరము లుండును,

యతులు,9,18,అక్షరములకు చెల్లును,

11,గర్భగత"-సాధ్యమా"-వృత్తము,

చేతి వ్రేళ్ళు సమ ముండునే!చింత సుంత శాంతి నెంచుమా!చేయ సమము శక్యమా!

భూత ధాత్రి విలు వెంచుమా!పొంతనంబు గల్గు మంతనన్!భూ యశమది నెంచుమా!

ఖ్యాతి నొందు తలపేదయా?కాంతి నీయు దివ్వె కాగదే!గాయ పరప న్యాయమా!

మాత కీర్తి మదిం గోరుమా!మంతనంబు చేయు మేలుకై!మా,యమ కరుణింపగా!

అనిరుద్ఛందము నందలి"ఉత్కృతి"-ఛందము లోనిది,

ప్రాస నియమమౌ కలదు,పాదమునకు"26"అక్షరము లుండును,

యతులు.10,19,అక్షరములకు చెల్లును,

12.గర్భగత"-కావరము"-వృత్తము,

చింత సుంత శాంతి నెంచుమా!చేతి వ్రేళ్ళుసమముండునే?చేయ సమము శక్యమా!

పొంతనంబు గల్గు మంతనన్!భూత ధాత్రి విలు వెంచుమా!భూ యశమది నెంచుమా!

కాంతి నీయు దివ్వె కాగదే?ఖ్యాతి నొందు తలపేదయా?గాయ పరప న్యాయమా!

మంతనంబు చేయు మేలుకై!మాత కీర్తి మదిం గోరుమా!మా,యమ కరుణింపగా!

అనిరుద్ఛందము నందలి"ఉత్కృతి"-ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు,10,19,అక్షరములకు చెల్లును,

13.గర్భగత"-చైదము"-వృత్తము,

చేయ సమము శక్యమా!చింత సుంత శాంతి నెంచుమా!చేతి వ్రేళ్ళు సమ ముండునే!

భూ యశమది నెంచుమా!పొంతనంబు గల్గు మంతనన్!భూత ధాత్రి విలు వెంచుమా!

గాయ పరప న్యాయమా!కాంతి నీయు దివ్వె కాగదే?ఖ్యాతి నొందు తల పేదయా?

మా, యమ కరుణింపగా!మంతనంబు చేయు మేలుకై!మాత కీర్తి మదెం గోరుమా!

అనిరుద్ఛందము నందలి"ఉత్కృతి"ఛందము లోనిది,

ప్రాసనియమము కలదు,పాదమునకు"26"అక్షరము లుండును,

యతులు,9,18,అక్షరములకు చెల్లును,

14.గర్భగత"-వెలుగు లీను"-వృత్తము,

చింత సుంత శాంతి నెంచుమా!చేయ సమము శక్యమా!చేతి వ్రేళ్ళు సమ ముండునే!

పొంతనంబు గల్గు మంతనన్!భూ యశ మది నెంచుమా!భూత ధాత్రి విలు వెంచుమా!

కాంతి నీయు దివ్వె కాగదే?గాయ పరప న్యాయమా!ఖ్యాతి నొందు తలపే దయా?

మంతనంబు చేయు మేలుకై!మా,యమ కరుణింపగా!మాత కీర్తి మదిం గోరుమా!

అనిరుద్ఛందము నందలి"-ఉత్కృతి"-ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు.10,18,అక్షరములకు చెల్లును,

జైహింద్.

కేశావా అనీ నిన్నూ వాసీగా భక్తూలూ వర్ణించూచున్నారూ మేలుకో.... మేలుకొలుపు పాట.

 

జైహింద్.

గీతార్థాసారామూ వినుమూ, పాట.

 జైశ్రీరామ్.

జైహింద్.

20250531 #భావనాప్రియ డా. శ్రీ #బోరెల్లిహర్ష # అష్టావధాని - #జాషువా #కల్ప...

జైశ్రీరామ్.

డా.హర్ష ఉపన్యాసం హర్షనీయంగా ఉంది. ఆహ్లాదజనకంగా ప్రసంగించుట జగన్మాత ప్రసాదించే భిక్షమాత్రమే. అది మన హర్షకు ఉండడం ఆనందదాయకం. హర్షకు, ఈ కార్యక్రమనిర్వాహకులకు ప్రసారం చెసినవారికి నా అభినందనలు.

జైహింద్.

ధృవోపాఖ్యానము. శ్రీ క్రొవ్విడి వేంకటరాజారావు.

జైశ్రీరామ్.

జైహింద్.