ఉన్నావీవు హృదంతరాళమున .... శ్రీమన్నారాయణ శతకము .9వ పద్యము. రచన చింతా రామ కృష్ణారావు. గానం శ్రీమతి దోర్బల బాల సుజాత

జైశ్రీరామ్.

9. శా. ఉన్నావీవు హృదంతరాళమున స్నేహోదార సంపత్ప్రభన్,

బిన్నన్, నేఁ గనఁ జాలనయ్య నిను గోపీనాథ! యంతర్ముఖుం

డెన్నంజాలు నినున్, శుభాస్పదుఁడ! నీవే నాకు కన్పించు. శ్రీ

మన్నారాయణ పూజ్య పాద జలజా! మాం పాహి. సర్వేశ్వరా!

భావము.

ఓ శ్రీమన్నారాయణా! నీవు నా హృదంతరాళమున 

స్నేహోదార సంపత్ప్రభతో కొలువై యున్నావు.

నేను  చిన్నవాడిని. నిన్ను ఏ విధముగనూ నిన్ను చూచుటకు సరిపోను. 

అంతర్ముఖుఁడైనావాడి నిన్ను గుర్తించగలడు. ఓ శుభాస్పదుఁడా! 

నీవే నాకు కన్పించుము. ఓ పూజ్య పాదపద్మములుకలవాడా! సర్వేశ్వరా! 

నన్ను రక్షించుము. 

జైహింద్. 

Print this post