జైశ్రీరామ్.
33. ఏలో సృజించితివి నీలాంబరంబచట నేలో మమున్ భగవతీ?
ఏలన్ మమున్ మరచి తేలో గృపన్ గనక మేలమ్మొ నీ కనుపమా!
ఏలేటి తల్లివని నేలన్ జనుల్ గనుదు రేలా మదిన్ కనవో? హే
బాలేందువక్త్ర పరిపాలింపుమమ్మ మము నీలాలకాక్షర! సతీ!
భావము.
సాటి లేని ఓ సతీ మాతా! నల్లని ముంగురులుగలదానా? ఓ భగవతీ!
అచ్చట నీలాకాశమును, ఇచ్చట భూమిపై మమ్ములను ఎందులకు
సృష్టించితివో? ఓ సాటిలేని తల్లీ! ఎందుచేత కృపతో కనుట యెందులకో
మాని, మమ్ములను పలించుటను మరచితివి? నీకిది పరిహాసమా తల్లీ?
పాలించే తల్లివనుచు భూజనులు భావించుచుందురు. నీవేల వారిని చూడవు?
చంద్రరేఖను ధరించిన ముఖము కల తల్లీ! మమ్ములను పరిపాలించుమమ్మా.
జైహింద్.
Print this post
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.