జైశ్రీరామ్.
25. పూలన్ గనన్ గలవు, నేలన్ గనన్ గలవు మ్రోలన్ గనన్ గలవుగా.
చాలింపుమింక, మొరలాలింపుమింక, పరిపాలింపుమా కరుణతో.
గాలింప లేను నిను, జాలిన్ ననున్ గనుచు, మేలున్ దయన్ గొలుపుమా.
బాలా! సదా వినుత హేలా! మహత్ సుజన పాలాపరాజిత సతీ!
భావము.
గొప్ప మంచివారిని పరిపాలించెడి ఓ అపరాజితా! ఓ సతీ మాతా! ఓ బాలా!
ఎల్లప్పుడూ పొగడఁబడెడి విలాసము కలిగిన తల్లీ! పూలను చూచినా నీవే
ఉంటివి. నేలను చూచినా నీవే ఉంటివి, ఎదురుగా చూచినా నీవే ఉంటివి కదా.
నీ పంతమింక సరిపెట్టుము. ఇంక నా మొరలను వినుము. కరుణతో నన్ను
పాలింపుమమ్మా. నిన్ను నేనింక వెదకలేను. జాలితో నన్ను చూచుచు దయతో
నాకు మేలు కలుగఁ జేయుము తల్లీ.
జైహింద్.
Print this post
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.