అష్టోత్తరశత సతీ అశ్వధాటి (సతీ శతకము). 81వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

81. హేమాద్రి పుత్రివయి మా మీద సత్కృపను క్షేమంబుఁ గొల్ప వలదా.

మోమాటమే విడిచి ప్రేమన్నదే మరచియే మంచియున్ గొలుపవో.

ధీమంతులెల్ల నిను సేమంబునిత్తువని ప్రేమన్ మదిన్ గొలుతురే.

ఏమాత్రమైన గుణ ధీమంతులన్ గనుమ ప్రేమ స్వరూపిణి సతీ!

భావము.

ప్రేమ స్వరూపిణి వయిన ఓ సతీ మాతా! హిమవంతుని 

పుర్తికవయియుండిననీవు మా మీద మంచి కృప కలిగియుండి క్షేమమును 

కలిగింపవలదా తల్లీ!మోమాటమును పూర్తిగా విడిచిపెట్టి, అసలు ప్రేమనే 

మరచిపోయి ఎటువంటి మంచినీ మాకు కలిగింపకుందువా యేమి? 

బుద్ధిమంతులందరూ నిన్ను క్షేమాన్ని కలిగించే తల్లివని తలంచి ప్ర్తేమతో 

నిన్ను తమ మనస్సులలో ఆరాధింతురు కదా తల్లీ!గుణవంతులునూ 

ధీమంతులునూ అయిన నీ భక్తులను ఏమాత్రమయినాచూడుతల్లీ! 

జైహింద్.

Print this post