అష్టోత్తరశత సతీ అశ్వధాటి (సతీ శతకము). 66వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

66. ముంజేతి కంకణమ! సంజీవి వీవె కద, సంజాత భక్తతతికిన్. 

భంజించుమా కుగతి, భంజించు దుష్టులను, రంజింపఁ జేయుము మమున్, 

కంజాత నేత్ర! మది రంజిల్ల పద్యములు, సంజీవనీ కొలుపుమా. 

భంజింప దౌష్ట్యములు మంజీరనాదమటు రంజింపఁ జేయుము సతీ!

భావము.

ఓ సతీ మాతా! ప్రత్యక్షముగా మేము చూచుటకు వీలుగా నున్న మా ముంజేతి 

కంకణమా! భూమిపై పుట్టిన నీ భక్తుల సమూహమునకు కోరికలు తీర్చుటలో 

నీవు సంజీవివేకదా తల్లీ! మా చెడ్డ గతిని నశింపఁజేయుము. దుర్మార్గులను 

నాశనము చేయుము. మమ్ములను రంజింపఁజేయుము. పద్మములవంతి 

కన్నులు కల తల్లీ! కోరికలను తీర్చు సంజీవినీ మనసు ఆనందముతో 

పొంగునట్లుగా, దౌష్ట్యములను నశింపఁ జేయు విధముగా పద్యములు 

నాచే రచింపఁ జేయుము. ఓమంజీర నాదము వలె మమ్ములను రంజిల్ల 

జేయుమమ్మా.! 

జైహింద్.

Print this post