అష్టోత్తరశత సతీ అశ్వధాటి (సతీ శతకము). 64వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

64 ఆశావహంబయిన ధీశక్తి నే నడుగ, నాశింతు సత్య గతి, నే

నాశింప దుష్కలిమి, నాశింప దుశ్చరిత, నాశింతు శోభనము లే

నాశింప నన్యగతు లాశింప భావుకత, నాశింతు నీ కృప సదా.

యాశావహుండనయి యాశింతు మంగళము ధీశాలి! మా కిల, సతీ!

భావము.

ఓ సతీ మాతా! ఆశలను రేకెత్తించు బుద్ధిబలము ఇమ్మని నిన్ను నేను 

కోరనమ్మా. సత్యమయిన మర్గమునిమ్మని ఆశింతును. నేను 

చెడ్డదయిన ధనమును ఆశించను. దుష్ప్రవర్తనను నేను ఆశింపను, 

శోభనములను ఆశింతును.  నేను నీకంటే అన్యమయిన గతులను 

ఆశింపను. భావుకతఁ గొలుపమని ఆశింపను. ఎల్లప్పుడూ నీ కృపకై 

ఆశింతునమ్మా. ఆశావహుఁడనయి మాకు ఎల్లప్పుడూ ఈ భువిపై 

మంగళములనే ఆశింతును.

జైహింద్.

Print this post