స్వభావేన హి తుష్యంతి. .. మేలిమిబంగారం మన సంస్కృతి.

 జైశ్రీరామ్.

శ్లో.  స్వభావేన హి తుష్యంతి  -  దేవాః సత్పరుషాః పితా |

జ్ఞాతయస్త్వన్నపానేన  -  వాక్యదానేన పండితాః ||

తే.గీ.  సత్స్వభావాన కనుదురు సంతసమును

దేవ, పితరులు, సజ్జనుల్,  దివ్యమైన

భోజనమునను బంధువుల్ సాజముగనె,

పండితులు మంచిమాటకే పరవశింత్రు.

భావము.  మంచి స్వభావంచేత దేవతలు, సజ్జనులు, తండ్రి - వీరు సంతృప్తి 

చెందుతారు. బంధుబాంధవులు అన్నపానాలతో సంతుష్టులౌతారు. 

విద్వాంసులైతే చక్కని మాటలతోనే ఆనందపడతారు.

జైహింద్.

Print this post