శివ భావనామృత తరంగిణి ... రచన ... శ్రీ వల్లభవఝల అప్పల నరసీంహ మూర్తి,

జైశ్రీరామ్. 

1.కం:-శ్రీవరు నామామృతమున

భావన బంగార మవగ!భాసుర లీలన్!           

"మా-వరదాంబుధు లలరగ!         

కావంగా హరి హరులను గానము సేతున్!

2,కం:-ఏకాగ్రత కావలె నయ         

శ్రీకారము చుట్టు భక్తి సిద్ధాత్ముడవై!         

ప్రాకారాంతర్గత శివు         

సాకారము నొందె దీవు!సత్కృత తపతన్!

3.కం:-హితకరి మతకరి శుభకరి          

గతికరి పతనాతప హరి!కామద హారీ!         

స్తుతిమతి పశుపతి నుతమతి        

నతులిత స్తుతిమంత గావు!హర హర శంభో!

4.కం:-అతి గతి జగతికి నీవే!       

నుతమతి కరుణార్ద్ర దేవ!నావవు నీవై!       

బ్రతుకుల సాగర తరణను      

నతి వేగము చేయ రావె!నంబయు మెచ్చన్!

5,కం:-కర్తవు ధర్తవు భర్తవు       

హర్తవు సర్వార్ధ మీవు!నార్యోత్తముడా!       

నర్తన జగములు బ్రోచెడి        

కర్తవ్యముగా దలంచి!కావగ రావే!

6.కం:-శివ నీ నామము నందే        

నవ తారక శాంత ముండె!నాట్య కలాపా!        

భవ బంధమోచ నంబున       

కవితా సౌరభ్య మబ్బ కావగ రావే!

7,కం:-దయనీయ జీవితాలను         

దయ తోడుత గావు నీవు!ధర్మాత్ముడవే!        

భయమేల?మాకు నిలలో!       

నియతను నుతియింతు మదిని!నిర్మల మూర్తీ!

8,కం;-హరి హర భేదము లేదని         

నిరువురు నొకటే యటంచు!నిహము నుతింపన్!        

పరి పరి విధముల భేదము       

సరిగా దది పాప యుతము!సరిగను మదినిన్!

9,కం:-హాలాహల విజృంభణ         

కోలాహలమును గని మరి కుత్తుక నిడితే!       

ఫాలాక్ష సురల కోరిక       

పాలించిన పరమ శివా!పద్ధతి నీదే!

10,కం:-వెన్నుడు సిరి గొని సుఖ పడె          

మిన్నంటెడి కీర్తి గనగ మ్రింగితి విషమున్!           

చెన్నగు లోకపు టుపకరి!           

మన్ననగా కంఠమం దమరగ నిడితే!

11.కం:-నుదుటను వేడిమి నిడుకొని           

ముదమున గరళంపు మంట ముచ్చట నౌనా?          

గుది బండని యెంచని హర         

పదిలంబుగ శిగను గంగ పరమం బేర్చెన్!

12.కం:-నిరుపమ విక్రమ క్రమత, మ           

విరళ జన రక్ష దక్ష విభవము గూర్చెన్!          

కరములు మోడిచి మ్రొక్కెద       

కరుణించుమి పరమ శివా!కలుముల నెలమిన్!

13,కం:-భృకుటిని దృష్ఠిని నిలుపుచు         

సకలము శివ మయ మటంచు!సన్నుతి సేయన్!        

వికల మనస్కుల మార్చెదు        

టక టక కట కటలు బాపి!ఢమరుక పాణీ!

14.కం:-ఢమరుక పాణీ!శశి ధర!        

కమరా!నటరాజ భోజ!కారుణ్య మయీ!        

మమతా సమతల దేవా!        

సుమ దామా!కర్పూర కళిక!సోయగ దేహా!

   

15.కం:-మమకార జగతి మాయలు          

కమనీయము కాదటంచు!కలి"వివరింపన్!         

తమకము గమకము శివ మని         

మము బ్రోవగ నిల్చి తీవు!మహిమాన్వితుడా!

16,కం:-సు రుచిర ఫలములు తినుటలు          

పర మరుదగు శివ జపమును!వరదములు సుమా!          

మరువకు శివ వశదములను        

నరులకు నిలుపోపు నట్టి!న్యాయం బదియే!

17,కం:-లలితము కలితము చేయకు!          

మలిదుల దరి జేర నీకు!మాలిన్య మగున్!          

సు లలితుల సుందర మూర్తుల         

చెలిమిని శివ నామ స్మరణ!చేయుమి భక్తిన్!

18,కం:-పర పేడన తగ దేరికి          

పర హింసే పాప మనుచు పద్ధతి నడుమా!         

నరులం నారాయణు గను!        

నరకంబుకు దూర మౌదు!నమ్ముమి శివునిన్!

జైహింద్.

Print this post