బాలక సఖత్వమకారణహాస్యం..ంఏలిమిబంగారం మన సంస్కృతి.

 జైశ్రీరామ్.

శ్లో.  బాలక సఖత్వమకారణహాస్యం  -  స్త్రీషు వివాదమసజ్జనసేవా।

గార్దభయానమసంస్కృతవాణీ  -  షట్సు నరో లఘుతాముపయాతి॥

తే.గీ.  బాలకుల తోడ స్నేహము, స్త్రీలతోడ

తగవు, కారణమే లేని నగవు, దుష్ట

జనుల సేవ, యవాగ్ఝరి, చనుట గార్ధ

భముపయి, ననునారును, విలువలను చెరచు!

భావము.  బాలురతో స్నేహం, కారణంలేని నవ్వు, స్త్రీలతో వివాదం, దుర్జనులను 

సేవించుట, గాడిదపై ప్రయాణించుట, సంస్కారయుక్తముకాని మాట - 

ఈ ఆరింటివల్ల మనుష్యుడు అల్పుడగుచున్నాడు.

జైహింద్.

Print this post