గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

27, ఫిబ్రవరి 2025, గురువారం

ఏకో౽పి కృష్ణస్య కృతః ప్రణామః ... మేలిమిబంగారం మన సంస్కృతి

 జై శ్రీరామ్.

శ్లో. ఏకో౽పి కృష్ణస్య కృతః ప్రణామః  -  దశాశ్వమేధావభృథేన  తుల్యః ౹

దశాశ్వమేధీ పునరేతి జన్మ  -  కృష్ణప్రణామీ న పునర్భవాయ ౹౹  (సుభాషితరత్నకోశః)

తే.గీ.  కృష్ణునకు వందనము చేయ విష్ణుని కృప

నశ్వమేధదశకఫల మందు మనకు,

నశ్వమేధఫలము తుద నతఁడు పుట్టు,

పుట్టడిక కృష్ణ భక్తుఁడు ముక్తిఁ గనును. 

భావము.   కృష్ణునికి హృదయపూర్వకంగా చేసిన ఒకేఒక నమస్కారం పది 

అశ్వమేధయాగాలు చేశాక అవభృథస్నానం చేసినంత ఫలితం ఇస్తుంది. 

కానీ? కృష్ణునికి చేసిన నమస్కారంలో ఒకవిశేషం ఉంది. దశాశ్వమేధాలు 

చేసినవాడు మళ్లీ జన్మిస్తాడు. కానీ?  "కృష్ణునికి నమస్కరించినవాడు 

మళ్లీ జన్మ ఎత్తడు.

జైహింద్.

Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.