భాషాసు ముఖ్యా మధురా .. మేలిమిబంగారం మన సంస్కృతి.

 జైశ్రీరామ్.

శ్లో. భాషాసు ముఖ్యా మధురా - దివ్యా గీర్వాణ భారతీ |

తస్యాం హి కావ్యం మధురం - తస్మాదపి సుభాషితం ||  

తే.గీ.  భాషలందున ముఖ్యమై వరలు మధుర

భాష గీర్వణ భాషయే, వాస్తవమిది,

అందుకావ్యముల్ మధురమ్ము లరసి చూడ,

వరసుభాషితములు గొప్ప వాటికన్న.

భావము. భాషలన్నిటిలోనూ ముఖ్యమైనది, తీయనిది, దివ్యమైనది 

(విశేషమైనది) గీర్వాణ భారతి అనగా సంస్కృత భాష. అందులోకూడా 

కావ్యం మధురమైనది. దాని కంటెనూ కూడా సుభాషితం మధురమైనది.

జైహింద్.

Print this post