కాంతాకటాక్షవిశిఖా న దహంతి యస్య ... మేలిమి బంగారం మన సంస్కృతి.

 జైశ్రీరామ్.

శ్లో.  కాంతాకటాక్షవిశిఖా న దహంతి యస్య

చిత్తం న నిర్దహతి కోపకృశానుతాపః |

కర్షంతి భూరివిషయాశ్చ న లోభపాశైః

లోకత్రయం జయతి కృత్స్నమిదం స ధీరః || (భర్తృహరి)

తే.గీ.  ఇంతి చూపులశిఖికి తపించఁడెవఁడొ,

కలుష కోపాగ్ని మదిఁ జొచ్చి కాల్చదెవని, 

నింద్రియ సుఖము లెవనిఁ బ్రేరించలేవొ,

యట్టి ఘనుఁడు విజితలోకుఁడగుట నిజము.     

భావము.  స్త్రీల కనుచూపుచేత ఎవని హృదయము తాపము చెందదో, 

కోపం అనే అగ్ని ఎవరి మనసును కాల్చలేదో, ఆశాపాశాలతో ఉన్న 

ఇంద్రియ సుఖాలు ఎవ్వరిని ఆకర్షించలేవో, అటువంటి ధీరుడు 

మూడు లోకాలను కూడా జయిస్తాడు.

జైహింద్.

Print this post