జైశ్రీరామ్.
." వటవృక్షో మహానేష మార్గమావృత్యతిష్థతి |
తావత్త్వయా న గన్తవ్యం యావన్నాన్యత్ర గచ్ఛతి ||
భావము.
వటవృక్ష మిక్కడ మార్గమునావరించి ఉన్నది.
అది మరొకచోటుకు వెళ్ళునంతవరకు నీవు వెళ్ళకు.
అని దానర్థం.
ఇక్కడ ఎవరి కి చెప్పబడుతున్నదో అనే మధ్యమపురుషవచనపదం
కాని
లేదా సంబోధనకాని లేదు.
వృక్షము మరొకచోటికి వెళ్ళుట అనే విరోధముకూడ చెప్పబడుతున్నది.
ఈ సమస్యా పరీష్కారమార్గము కేవలము పదవిచ్ఛేదము మాత్రమే చూపఁగలుఁగును.
'వటవృక్ష' ఆనేచోట
వటవృక్ష = మఱ్ఱిచెట్టు.
ఆ విధముగ కాకుండా
వటో, + ఋక్ష అనివిడదీసినచో
" ఓ బ్రహ్మచారి !
ఋక్షము అనగా ఎలుగుబంటి
మార్గమునావరించి
ఉన్నది."
ఈ విధముగ పదచ్ఛేదము చేసినంతనే ఇందలి విరోధము ఆభాసమే అని వ్యక్తమగును.
ఇక
వటోవృక్ష పదముల కలయికలో ఉన్న సంధిని విచారించినచో
వటో + ఋక్ష అనుచోట
'ఏచోయవాయావః' ఆనే సూత్రం ప్రకారము
ఓకారస్థానమున 'అవ్ ' ఆదేశముగా వచ్చి
వటవృక్ష అని సిద్ధించును.
స్వస్తి.
మీ
కొరిడె విశ్వనాథశర్మ,
ధర్మపురి.
మీ
కొరిడె విశ్వనాథశర్మ,
ధర్మపురి.
బ్రహ్మశ్రీ కొరిడే విశ్వనాథమ్ పండిత వరులకు ధన్యవాద పూర్వక ప్రణామములు.
జైహింద్.
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.