మధు సేవా ప్రభావం.

మధు సేవ అనే నాటకంలో ఓక తమాషాగా వుండే సీసపద్యాన్ని చూచానండి. మీరన్నీ ఇలాగే చెపుతారు అని అనకండి. కావాలంటే మీరూ చూడబోతున్నారుకదా!.
ఆపద్యంలో మధుసేవ చేసేవారి ప్రవృత్తిని ఎంత యదార్థంగా వివరించాడంటే ఆ పద్యాన్ని మనం కూడా కంఠస్థం చేసి " మధు "రమైన ఆ మత్తులో తేలని జన్మ జన్మ కదేమో అనిపించేటంతటి గొప్పగా వుంది.
మధువే కాదు. దానిని గూర్చిన సంభాషణ, దాని మహత్యం తెలిపే పద్యాలు, అంతెందుకు. దాని ప్రస్తావన వస్తే చాలు మనకు కూడా మత్తెక్కిస్తుందనడానికి యీ పద్యమే తార్కాణం. ఇక చూడండా పద్యమెలాంటి మత్తిస్తుందో.

సీ:-
మోర్నింగు కాగానె మంచము లీవింగు.
మొగము వాషింగు. చక్కగ సిటింగు.
కార్కు రిమూవింగు. గ్లాసులో ఫిల్లింగు.
గడగడ డ్రింకింగు. గ్రంబులింగు.
భార్యతో ఫైటింగు. బైటకు మార్చింగు.
క్లబ్బును రీచింగు. గేంబులింగు.
విత్తము లూజింగు. చిత్తము రేవింగు.
వెంటనే డ్రింకింగు. వేవరింగు.
తేటగీతి:-
మరల మరల రిపీటింగు. మట్టరింగు.
బసకు ష్టార్టింగు. జేబులు ప్లండరింగు.
దారి పొడవున డేన్ సింగు. థండరింగు.
సారె సారెకు రోలింగు, స్లంబరింగు.

చదివిరి కదా! గం "మత్తు" గావుందికదూ! ఇప్పుడు చెప్పండి. నేను పైన చెప్పినవి యదార్థమో, కాదో.
ఇలాంటి తమాషా పద్యాలు మన సాహిత్యంలో లెక్కకు మిక్కిలిగా వున్నాయంటే ఆశ్చర్యపోయే పని లేదు. మీరే చూస్తారికదా ముందు ముందు. ప్రసుతానికి

జైహింద్.

Print this post