ప్రాచీన కవులకేమాత్రమూ తీసిపోని నేటి కవులలో ఒకరు ... శ్రీ సాంప్రతి సురేంద్రనాథ్. .... వారి పద్యము చూడండి.

జైశ్రీరామ్.

ఉదయరాగం

శ్రీ సాంప్రతి సురేంద్రనాథ్.

శా.  ప్రాచీప్రస్ఫుటకాంతిపర్యుషణ

           ప్రాభాతార్ఘ్యవారిస్ఫురత్

వీచీమాలికడోలికల్ జనమనో

ద్దీప్తంబులై పర్వెడిన్

రోచిష్మంతములై దిగంతములు

సద్యోజాతభిన్నాంబుజా

ళీచర్చాళినినాదముల్ శ్రుతుల

సారింపన్ మనోజ్ఞమ్ములై

వివరణ.

ప్రాచీదిక్ స్ఫుట కాంతి

-తూర్పుదిశలో ప్రకాశిస్తున్న వెలుగు - సూర్యుడు
పర్యుషణ - ఆ సూర్యుని 

పూజకొఱకై


ప్రాభాత+అర్ఘ్య-వారి-స్ఫురత్

-ఉదయసంధ్యార్ఘ్యజలములపవిత్రతతో కలసి 


వీచీమాలికడోలిల్

-ఊయెలలూగుతూ ప్రసరిస్తున్న వాయువులు


జనమనోద్దీప్తంబులై పర్వెడిన్

-జనుల మనసులను ఉల్లాసంగా మేలుకొలుపుతున్నాయి..

రోచిష్మంతములై దిగంతములు

-దిక్కులన్నీ కాంతిమంతములై

సద్యోజాత-భిన్నాంబుజ+ఆళీ-చర్చ+అళి-నినాదముల్

-అప్పటికప్పుడే మొగ్గతొడిగి వికసిస్తున్న పద్మముల సమూహముల 

యందలి మధువులను అలముకొన్న తుమ్మెదలనాదములు

శ్రుతుల సారింపన్

-వేదనాదములను ప్రసరింప జేస్తుంటే..

మనోజ్ఞమ్ములై
కాంతిమంతములైన దిగంతములు..


మనోహరముగా అరుణారుణ కాంతులతో విరాజిల్లుతున్నాయి.

సుమధురపద్య నిర్మాణ దక్షులయిన 

శ్రీ సాంప్రతి సురేంద్రనాథ్ గారికి అభినందనపూర్వక ధన్యవాదములు.

జైహింద్. 

Print this post