మనం గ్రహించ గలిగినా గ్రహించ లేకపోయినా ఇది మాత్రం నిజం.

శ్లోll

పుణ్యస్య ఫల మిచ్ఛంతి , పుణ్యం నేచ్ఛంతి మానవా:

న పాపఫల మిచ్ఛంతి , పాపం కుర్వంతి యత్నత:

తే.గీ.ll

పుణ్య కార్యము లొనరింపఁ బోరు  కాని

పుణ్య ఫలము కోరుదు రయ్య! పుడమిఁ జనులు.

పాప కార్యము లొనరింత్రు. పాప ఫలము

వల దటంచును తలతురు. భావ్య మౌనె?

భావము:-

మానవులు  పుణ్యం చేయడానికి ఎంత మాత్రం ప్రయత్నం చేయరు. కాని పుణ్యం వలన వచ్చే ఫలితం మాత్రం తమకి దక్కాలని తెగ ఆరాట పడి పోతూ ఉంటారు. 

నిత్యం అనేక పాపాలు చేస్తూనే ఉంటారు కానీ, ఆ పాప ఫలితం మాత్రం తమకు రాకూడదని కోరుకుంటూ ఉంటారు ! 

మన అనుభవానికి వచ్చే మంచి చెడ్డలు మనం చేసుకొన్న పుణ్య పాప ఫలములే కాని వేరు కానేరవు అని మనం గ్రహించి ఇప్పటి నుంచైనా మనకేది కావాలని కోరుకొంటామో అది లభించే విధంగా ఆచరించ వలెను.

జైహింద్.

Print this post