ముంబై నుండి యన్. ప్రసాద్ గారి దత్తపది పూరణ అద్భుతం.

ప్రియ సాహితీ బంధువులారా! 

ముంబై నివాసులైన ఆంధ్రామృత పాఠకులు శ్రీ యన్. ప్రసాద్ గారు. మన ఆంధ్రామృతంలో పూరణకై దత్తపదిని చూచి; ఎంతో ఉత్సాహంతో అద్భుతంగా పూరించి మన బ్లాగుద్వారా పదిమంది ఔత్సాహికులూ చదివే అవకాశంకల్పించడానికి వీలుగా పంపిరి.

ఆ ప్రసాద్ గారి పూరణను వారి స్వదస్తూరీలోనే మీ ముందుంచుతున్నాను. చదివి చూడండి.

మll
పిరమిడ్లీల శవాలు చేరె గదిలో భీభత్సమున్ బ్రాకె; ప
ల్వురు రక్త హ్రదమందు బాసి రసువుల్ పూరీకృతాయుష్కులై;
పరిరక్షించితివే కరిన్; గతమె యుప్మానంబుగా చంపు ము
ష్కర నక్రమ్ముల; వీరు వీడ రెవరిన్; కాఫిర్లగా నెంచుచున్.


ఉపమానము అనే పదాన్ని కాస్త వక్రించాను.
పిరమిడ్ + లీల; పిరమిడ్లలో శవాలుంటాయని మనకు తెలుసు.
కాఫిర్ = ఇస్లాం మతమంది విశ్వాసము లేనివారు.అట్టి వారిని వధించాలని నియమం పెట్టుకొని ఉన్నారు.


నా పరిచయం.: ప్రసాదు నామధేయం.
ముంబాయి నివాసం.
పద్య కవిత్వం అంటే యిష్టం.
ఇలాంటి ప్రయోగాలు చేస్తుంటాను.
మీ అభిప్రాయాలు తెలుప గలరుఇట్లు యన్. ప్రసాద్.

దత్తపది ఇడ్లీ; పూరీ; ఉప్మా; కాఫీ; అనే వాటితో ముంబై మారణ కాండను గజేంద్ర మోక్ష సన్నివేశానికి అన్వయిస్తూ పూరణ చేయవలసినదిగా నేను చేసిన మనవికి స్పందించి తన పూరణను పంపిన శ్రీ యన్. ప్రసాద్ గారికి ధన్యవాదములు తెలియ జేస్తున్నాను.

జైశ్రీరామ్.

జైహింద్.

Print this post