0
comments
జైశ్రీరామ్.
|| 6-9 ||
శ్లో. సుహృన్మిత్రార్యుదాసీనమధ్యస్థద్వేష్యబంధుషు |
సాధుష్వపి చ పాపేషు సమబుద్ధిర్విశిష్యతే ||
తే.గీ. సాధువుల, సుహృ న్మిత్రులన్ శత్రువులను,
బంధువులను విరోధులన్, వసుధపైన
ఘన దురాచారులన్ మదిన్ గాంచునెవడు
నొక్కటిగ ఘనుడతడె సర్వోత్తముండు.
భావము.
శ్రేయోభిలాషి, స్నేహితుడు, శత్రువు, ఉదాసీనుడు, మధ్యస్థుడు,
విరోధి, బంధువు, సాధువు, దురాచారి—వీళ్ళందరిపట్ల సమబుద్ధి
కలిగినవాడే సర్వోత్తముడు.
|| 6-10 ||
శ్లో. యోగీ యుఞ్జీత సతతమాత్మానం రహసి స్థితః |
ఏకాకీ యతచిత్తాత్మా నిరాశీరపరిగ్రహః ||
తే.గీ. యోగి యేకాంత వాసియై యింద్రియముల
ను, మదిని వశపరచుకొని, కుమతి వీడి
ఏమియు గొనక,చిత్తంబు నెటులనైన
నాత్మపై నిల్పవలెనూ నిరంతరంబు.
భావము.
యోగి ఏకాంత స్థలంలో ఒంటరిగా ఉండి, ఆశలను వదలి,
ఇంద్రియాలనూ మనస్సునూ వశపరచుకుని, ఏమీ పరిగ్రహించకుండా
చిత్తాన్ని ఆత్మమీదే నిరంతరం నిలపాలి.
జైహింద్.
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 6-7 ||
శ్లో. జితాత్మనః ప్రశాంతస్య పరమాత్మా సమాహితః |
శీతోష్ణసుఖదుఃఖేషు తథా మానావమానయోః ||
తే.గీ. ఆత్మనుజయించు నతడే ప్రశాంతచిత్తు
డాతనికిదైవథర్శనమనవరతము
కలిగి, శీతోష్ణ సుఖదుఃఖములును మాన
ము నవమానమునొకటిగకనగలుగును.
భావము.
ఆత్మను జయించిన ప్రశాంతచిత్తుడు పరమాత్మ సాక్షాత్కారం నిరంతరం
పొందుతూ శీతోష్ణాలు, సుఖదుఃఖాలు, మానావమానాలపట్ల సమభావం
కలుగుచుండును.
|| 6-8 ||
శ్లో. జ్ఞానవిజ్ఞానతృప్తాత్మా కూటస్థో విజితేంద్రియః |
యుక్త ఇత్యుచ్యతే యోగీ సమలోష్టాశ్మకాంచనః ||
తే.గీ. జ్ఞాన విజ్ఞాన తృప్తుడు ఘనుడు నిర్వి
కారుడును జితేంద్రియుడును, కను నతండు
స్వర్ణమును మట్టి రాతిని సరిగ నొకటి
గ యతిగ నతనిచెప్పనౌన్ ఘనుడ! పార్థ!
భావము.
శాస్త్రజ్ఞానంవల్ల, అనుభవజ్ఞానంవల్ల సంతృప్తి చెందినవాడు,
నిర్వికారుడు, ఇంద్రియాలను జయించినవాడు, మట్టినీ రాతినీ
బంగారాన్నీ సమదృష్టితో చూసేవాడూ యోగి అని చెప్పబడుతాడు.
జైహింద్.
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 6-5 ||
శ్లో. ఉద్ధరేదాత్మనాత్మానం నాత్మానమవసాదయేత్ |
ఆత్మైవ హ్యాత్మనో బంధురాత్మైవ రిపురాత్మనః ||
తే.గీ. శత్రువును బంధువాత్మయే సరిగ నరర
మానవులకిలన్, కాన యా మానవుండె
తనను తానుద్ధరించుకోతగును, నిము,
పతనమును పొందతగదు శుభంబులరయ.
భావము.
తన మనస్సే తనకు బంధువూ, శత్రువూ కూడా. కనుక మానవుడు తనను
తానే ఉద్ధరించుకొనవలెను. తన ఆత్మను అధోగతి పాలుచేసుకోకూడదు.
|| 6-6 ||
శ్లో. బంధురాత్మాత్మనస్తస్య యేనాత్మైవాత్మనా జితః |
అనాత్మనస్తు శత్రుత్వే వర్తేతాత్మైవ శత్రువత్.
తే.గీ. ఆత్మజితునకు బంధువా యాత్మ నిజము,
కానివానికి శత్రువే కనగ నాత్మ,
కాన యాత్మ నిల జయించు ఘనులు ఘనులు,
చేథకాకున్న పిది వారి చేటు నిజము.
భావము.
మనస్సును స్వాధీనపరచుకున్నవాడికి తన మనస్సే బంధువు.
మనస్సును జయించనవాడికి మనస్సే ప్రబల శత్రువులాగా ప్రవర్తిస్తుంది.
జైహింద్.
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 6-3 ||
శ్లో. ఆరురుక్షోర్మునేర్యోగం కర్మ కారణముచ్యతే|
యోగారూఢస్య తస్యైవ శమః కారణముచ్యతే.
తే.గీ. ధ్యాన యోగ సాధకునకు తలచి చూడ
నిత్య నిష్కామకర్మమే నిరుపమ గతి,
యోగ సిద్ధునకిలపైన నొప్పిదముగ
మహిని గాంచ కర్మత్యాగ మార్గమొప్పు.
భావము:
ధ్యానయోగాన్ని సాధించదలచిన మునికి నిష్కామకర్మయోగమే మార్గం.
యోగసిద్ధి పొందినవాడికి కర్మత్యాగమే సాధనం.
|| 6-4 ||
శ్లో. యదా హి నేంద్రియార్థేషు న కర్మస్వనుషజ్జతే |
సర్వసంకల్పసన్న్యాసీ యోగారూఢస్తదోచ్యతే.
తే.గీ. విషయ కర్మములపయిని ప్రీతి లేక
సకల సంకల్పముల్ వీడు సన్నుతు నిల
ననితరమగు యోగారూఢు డందురరయ,
తెలియుమర్జునా నిజమిది, తెలియవలయు.
భావము.
ఇంద్రియ విషయాలమీద కాని, కర్మలమీద కాని ఆసక్తి లేకుండా
సంకల్పాలన్నీ విడిచిపెట్టినవాడిని యోగారూఢుడంటారు.
జైహింద్.
వ్రాసినది
చింతా రామ కృష్ణా రావు.
0
comments
జైశ్రీరామ్.
శ్రీభగవానువాచ|
భావము.
భగవానుడనుచున్నాడు.
|| 6-1 ||
శ్లో. అనాశ్రితః కర్మఫలం కార్యం కర్మ కరోతి యః|
స సంన్యాసీ చ యోగీ చ న నిరగ్నిర్న చాక్రియః.
తే.గీ. కర్మ ఫలలాభమునకయి కాంచకుండ
కర్మములు చేయు నెవ్వడు ఘను డతండు,
కర్మసన్యాసి తలపగ కవ్వడి! విను
మగ్నికార్యకర్మంబుల నతడు చేయు.
భావము:
కర్మఫలము పైన ఆధారపడకుండా, చేయ వలసిన కర్మని ఎవరు
చేయునో అతడే కర్మ సన్యాసీ, కర్మ యోగి కూడా అగ్ని కార్యాన్నీ, కర్మనీ
వదిలేసినవాడు కాదు.
|| 6-2 ||
శ్లో. యం సన్న్యాసమితి ప్రాహుర్యోగం తం విద్ధి పాణ్డవ|
న హ్యసన్న్యస్తసఙ్కల్పో యోగీ భవతి కశ్చన.
తే.గీ. కనగ సన్న్యాసమే యోగ మనగ నెరుగు
మెవరు సంకల్పమును వీడ రవని వారు
యోగి కానేరర్జునా! భోగులరయ,
నీవు గ్రహియింపుమర్జునా నేర్పుమీర.
భావము:
అర్జునా దేనిని సన్యాసమని అంటారో అదేయోగమని తెలుసుకో.
సంకల్పాలను సన్యసించనివాడు ఎవడూ యోగికాలేడు.
జైహింద్.
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
జైశ్రీరామ్.
శ్రీమన్మంగళపార్వతీశుకృపచే శ్రీపార్వతీ సత్ కృపన్
శ్రీమచ్ఛంకరులంది, తత్ఫలముచే చిన్మార్గ సద్భావనన్
శ్రీమాతన్ బరమేశ్వరున్ గొలుచుచున్ జిజ్ఞాసతో శ్లోకముల్
క్షేమంబున్ జనపాళికిన్ గొలుప, భాసింపంగ వ్రాసెన్ గృపన్..
అట్టి మహాత్ముడమ్మకృపనంది యనేక విశిష్ట సత్ కృతుల్
పట్టుగ భక్తియుక్తుఁడయి భావమహద్ద్యుతి నొప్ప వ్రాసి, జై
కొట్టగ భక్తపాళి కడు కూర్మిని జాతికొసంగినాడు, నే
డిట్టిమహాత్ము జన్మదినమిత్తరిసేమము మీ౩ కొసంగుతన్.
అమృతము పారజేసె కవితామృతమొల్కుచు భక్తిపెంచగన్,
ప్రముదము గొల్పు తత్పరత వర్ధిలజేసెను శ్లోకధారలన్,
సమధిక దైవచింతనము చక్కగ పెంచె జనాళిలోన, దే
శము కడు ధన్యమాయె మన శంకరజన్మముచేత ధాత్రిపై.
జైహింద్.
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 5-29 ||
శ్లో. భోక్తారం యజ్ఞతపసాం సర్వలోకమహేశ్వరమ్|
సుహృదం సర్వభూతానాం జ్ఞాత్వా మాం శాన్తిమృచ్ఛతి.
తే.గీ. యజ్ఞ తపముల భోక్తగా, నన్ని ప్రాణు
లకును హితునిగా, ప్రభువుగా సకల మరయ
నేనెగా గాంచు ఘనుడిల నిత్య సుఖియు,
ముక్తుడున్ గాంచ నిజమిది, పుడమిపైన.
భావము.
యజ్ఞాలకు తపస్సులకి భోక్తగా, అన్ని లోకాలకు ప్రభువుగా, అన్ని ప్రాణుల
హితం కోరేవాడిగా నన్ను తెలుసుకున్న వాడు శాశ్విత శాంతి పొందుతాడు.
ఓం తత్సదితి
శ్రీమద్భగవద్గీతాసూపనిషత్సుబ్రహ్మవిద్యాయాం యోగశాస్త్రే
శ్రీకృష్ణార్జునసంవాదే కర్మసన్యాస యోగో నామ పంచమోధ్యాయః.
జైహింద్.
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 5-27 ||
శ్లో. స్పర్శాన్కృత్వా బహిర్బాహ్యాంశ్చక్షుశ్చైవాన్తరే భ్రువోః|
ప్రాణాపానౌ సమౌ కృత్వా నాసాభ్యన్తరచారిణౌ.
తే.గీ. ఇలను బాహ్యేంద్రియానుభూతులను గొనక
నెట్టివేయుచు భృకుటిపై పెట్టి ధ్యాస
తలచ వలయు ప్రాణాపానములను సమము
గా మదిని జూడ వలయును, కనుమటులనె.
భావము.
శబ్దస్పర్శాది బాహ్య ఇంద్రియ విషయాలను బయట నుంచి బయటకే
నెట్టివేసి, ధ్యాసను భ్రూమధ్యంలో నిలిపి, నాసికారంధ్రాల ద్వారా
చలిస్తున్న ప్రాణ, అపాన వాయువులను సమానంగా చూడాలి.
|| 5-28 ||
శ్లో. యతేన్ద్రియమనోబుద్ధిర్మునిర్మోక్షపరాయణః|
విగతేచ్ఛాభయక్రోధో యః సదా ముక్త ఏవ సః.
తే.గీ. ఇంద్రియంబుల్మనోబుద్ధులిలగ్రహించి
మోక్షమే లక్ష్యముగ గల్గి, పూర్తిగాను
కోపమున్ భయమును వీడి కోరికలిక
లేని ఋషియే గనన్ ముక్తు డెరుగు పార్థ!
భావము.
ఇంద్రియ మనోబుద్ధులను నిగ్రహించి, మోక్షమే తన అంతిమ లక్ష్యంగా
పెట్టుకుని కోరికలను, భయమును, కోపాన్ని వదిలిన ఋషి ఎప్పుడూ
ముక్తుడే..
జైహింద్.
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 5-25 ||
లభన్తే బ్రహ్మనిర్వాణమృషయః క్షీణకల్మషాః|
ఛిన్నద్వైధా యతాత్మానః సర్వభూతహితే రతాః.
తే.గీ. కల్మష విదూరమై భేదముల్మనమును
వీడిపోయి నిగ్రహశక్తి పెరిగి మదిని
ప్రాణికోటిహితమునెన్ను వారె రుషులు,
వారె బ్రహ్మనిర్వాణంబు వడయు ఘనులు.
భావము.
కల్మషాలు నశించి, భేదభావం తొలగిపోయి, మనస్సుని నిగ్రహించి,
అన్ని ప్రాణుల హితాన్ని కోరే ఋషులు బ్రహ్మ నిర్వాణాన్ని పొందుతారు.
|| 5-26 ||
శ్లో. కామక్రోధ వియుక్తానాం యతీనాం యతచేతసామ్|
అభితో బ్రహ్మనిర్వాణం వర్తతే విదితాత్మనామ్.
తే.గీ. విజిత కామాదుడై గొప్ప పేరుగాంచి,
విజిత మానసుడై, యాత్మ విశ్వరూప
మెరుగు నెవ్వ డా యోగికి నిరుపమాన
బ్రహ్మనిర్వాణ సుస్థితి పట్టుబడును.
భావము.
కామక్రోధాల నుండి విడిపడి, మనస్సును జయించి, ఆత్మ స్వరూపాన్ని
ఎరిగిన యతులకు బ్రహ్మ నిర్వాణస్థితి అంతటా ఉంటుంది.
జైహింద్.
వ్రాసినది
చింతా రామ కృష్ణా రావు.
0
comments
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 5-23 ||
శ్లో. శక్నోతీహైవ యః సోఢుం ప్రాక్శరీరవిమోక్షణాత్|
కామక్రోధోద్భవం వేగం స యుక్తః స సుఖీ నరః.
తే.గీ. దేహ జనిత కామాదుల దేల కెవ్వ
డవని నెదిరించి నిలుచునో యతడే యోగి,
అతడె సుఖమును పొందునో యగణిత గుణ!
ముక్తిక్తి గైకొంట కద్దియే ముఖ్యపథము.
భావము.
ఏవరైతే ఈ శరీరం ఉండగానే కామక్రోధాల నుండి పుట్టిన
ప్రేరణలని తట్టుకోవడానికి సమర్ధుడౌతాడొ, అతడే యోగి,
అతడే సుఖవంతుడు ఔతాడు.
|| 5-24 ||
శ్లో. యోऽన్తఃసుఖోऽన్తరారామస్తథాన్తర్జ్యోతిరేవ యః|
స యోగీ బ్రహ్మనిర్వాణం బ్రహ్మభూతోధిగచ్ఛతి.
తే.గీ. ఎవ్వ డాత్మలో నానంద మెన్నుచు గను
నాత్మలో జ్ఞాన సజ్జ్యోతి ననవరతము
నిలుకొనునాతడే యోగి, తలచిచూడ
నతడె బ్రహ్మమై మోక్షంబు ననుభవించు.
భావము.
ఎవరైతే తనలోనే సుఖాన్ని పొందుతూ, తనలో తాను ఆనందిస్తూ
తనలో నే జ్ఞాన జ్యోతిని నిలుపుకున్న యోగి బ్రహ్మ స్వరూపుడై
మోక్షాన్ని పొందుతాడు.
జైహింద్.
వ్రాసినది
చింతా రామ కృష్ణా రావు.
0
comments
జైశ్రీరామ్.
|| 5-21 ||
శ్లో. బాహ్యస్పర్శే ష్వసక్తాత్మా విన్దత్యాత్మని యత్సుఖమ్|
స బ్రహ్మయోగయుక్తాత్మా సుఖమక్షయమశ్నుతే.
తే.గీ. బాహ్యమౌ స్పర్శ లేనట్టి బ్రహ్మవేత్త
సుఖము నాత్మానుభూతితో శోభిల గను,
నిరుపమానంద సామ్రాజ్య నేత యతడు,
ధరణిపై వెల్గు నిరుపమ ధన్యు డతడు.
భావము.
బాహ్య స్పర్శలో తగుల్కోనివాడు, ఆత్మలో ఉండే సుఖాన్ని
పొందుతాడు. బ్రహ్మతత్వానుసంధానంలో నిలిచిన ఆ యోగి
అనంతమైన ఆనందాన్ని పొందుతాడు.
|| 5-22 ||
శ్లో. యే హి సంస్పర్శజా భోగా దుఃఖయోనయ ఏవ తే|
ఆద్యన్తవన్తః కౌన్తేయ! న తేషు రమతే బుధః.
తే.గీ. బాహ్య సంస్పర్శ భోగమ్ము లేహ్యమయిన
దుఃఖ మూలమ్ము లెరుగుమా, తోచలేదొ?
యవధులున్నట్టివాటికై యరుగరెపుడు
సద్వివేకులు, ముక్తిసత్సారవిదులు.
భావము.
కుంతీకుమారా! బాహ్య విషయ స్పర్శలవల్ల జనించేభోగాలన్నీ దుఃఖాలకు
మూలమే. ఆది, అంతములతో కూడుకున్న ఆ క్షణిక సుఖాలలో
వివేకవంతుడు రమించడు.
జైహింద్.
వ్రాసినది
చింతా రామ కృష్ణా రావు.
