శతాధిక పురస్కారగ్రహీత్ రాధాశ్రీ తన సాహెతీ జీవిత స్వర్ణోత్సవం సందర్భంగా నన్ను సత్కరించుచున్నసన్నివేశం.

 జైశ్రీరామ్.

జైశ్రీరామ్.

 

రాధశ్రీ సాహిత్య స్వర్ణోత్సవము సందర్భముగా సమర్పించిన

అభినందన పంచ రత్నావళి.తే.16 . 10 . 2022

రచన…సమర్పణ …చింతా రామకృష్ణారావు.

రాధశ్రీ

శా.  శ్రీమన్మంగళ భారతీ జనని! రాశీభూత కందప్రభా

      ధాముండై వెలుగొందుచున్న మన రాధాశ్రీ కవిన్ బ్రేమతో

      క్షేమంబొప్పగ కావుమమ్మ సతమున్, శ్రేయంబులన్ గూర్చుచున్,

      ధీమంతుండగు వీరి సేవ గొనుచున్ దీవించు మీ సత్కవిన్.

శ్రీ రాధాశ్రీ నామ గోపన చిత్రము.

ఉ.  శ్రీమధురంపు సత్కవన చిద్వర తేజమదెట్లు కల్గె? ధా

      రా మధురార్ణవంబె యన వ్రాయక చెప్పుటదెట్లు వచ్చె? రా

      ధా మధురాక్షర ప్రభయె ధారణ శక్తిని గొల్పుటేట్లగున్?

      శ్రీమహనీయ మీ కృషియె చెప్పగ,  వీటికి నుత్తరంబగున్.

మ.శతవర్షంబులు సాహితీ సుధలకున్ సంకల్పమున్ జేయ నే

     డతులంబై యిట నిర్వహింపఁబడె ధ్యేయంబొప్ప  స్వర్ణోత్సవం

     బతి సామాన్యులు విన్న గాని పొగడంగా కందధారార్ణవం

     బతిలోకోత్తరమై స్రవించు మహితంబై వీరి కంఠప్రభన్.

మ. గతినావేశము నాప సాధ్యమగునా కందప్రభావృష్టిగా

     మతిమంతుల్ గణియించి మెచ్చునటులన్ గానంబుగా వెల్వడన్

     క్షితి, మీ సేవలనెన్నలేముకద మీ కీర్తిన్ దెసల్ నిండెగా,

     కృత పుణ్యుల్ కద మీరలెన్న భువిపై  క్షేమంబుగా వెల్గుడీ!

 

ఉ.మంగళ మౌత మీకునిల, మాన్యమహోదయ! కందభాస్కరా!

    మంగళమౌత మీ కవన మాధురికిన్, పరమార్థ సేవకున్,

    మంగళముల్ సుధామధుర మాన్య కవిత్వ కవీశ్వరాళికిన్,

    మంగళమౌత శ్రీ భరత మాతకు నిత్య సుమంగళంబులౌన్.

   

మంగళమ్           మహత్         శ్రీశ్రీశ్రీశ్రీశ్రీ

జైహింద్.

Print this post