- : సుందరాకాండ : -
శ్రీ రామాన్వయ కంద - సీతాన్వయ గీత గర్భ హనుమత్పర సుందర ఉత్పల నక్షత్ర మాల
రచన :- చింతా రామ కృష్ణా రావు . తే. 01- 01- 2012.
అవతారిక.
ఉ :- శ్రీ రఘు రామ దాస! జన శ్రేయ! ఘనావిల సన్నుతాత్మ యౌ
ధీర వరాశ్రితా! వర సుధీ ప్రద! యందుమ వందనంబులన్.
శ్రీ రఘు వంశ జా! తరుణి సీత! ఘనంబగు తత్వ మీరె! ధా
రారుచులన్ దుచున్ తనియ వ్రాయఁగ సుందర తార మాల నే.
క :- రఘు రామ ! దాస జన శ్రే - య ! ఘనా విల సన్నుతాత్మ యౌ ధీర వరా!
రఘు వంశ జా!తరుణి సీ - త ఘనంబగుతత్వమిమ్ము ధారా రుచులన్.
గీ :- సజన శ్రేయ! ఘనావిల సన్నుతాత్మ! - వర సుధీ ప్రద! యందుమ వందనంబు.
తరుణి సీత ఘనంబగుతత్వమీరె! - తనియ వ్రాయగ సుందర తారమాల!
స్వపరిచయము.
ఉ :- జ్ఞాన యశో విరాజిత లసత్ శుభ సంభృతి నొప్పునట్టి, చిం
తా నయ వంశజాతుఁడను. దక్షులు రాఘవ పాద ధూళి సత్
జ్ఞానముఁ గొల్పఁగా రచన సల్పితి సుందర తార మాల సం
ధానిత కంద గీతము లుదంచిత వృత్తుల రామ కృష్ణుఁడన్.
ఉ :- కా యమ బంధముల్ల్ ఒదిగె కందము గీతము నుత్పలాన తా
శ్రేయముఁగా మదిన్ వెలసె చిత్రము నొప్పు త్రివేణి వాణి గం
గా యమునా గతిన్ దలపు గ్రంథము సుందర తారమాల తత్
శ్రేయ గతిన్ బృహద్ రచనఁ జేసితి సత్ కవి రాజి మెచ్చగన్.
క :- యమ బంధముల్ల్ ఒదిగె కం - దము గీతము నుత్పలాన తా శ్రేయముగా
యమునా గతిన్ తలపు గ్రం - థము సుందర తారమాల తత్ శ్రేయ గతిన్!
గీ :- ఒదిగె కందము గీతము నుత్పలాన వెలసె చిత్రము నొప్పు త్రివేణి వాణి
దలపు గ్రంథము సుందర తారమాల. రచన చేసితి సత్కవి రాజి మెచ్చ.
నక్షత్ర మాల
ఉ :- అంజన భాగ్యమై జనని రంజన వర్ధన సల్పు వేల్ప! స
న్మంజుల వాక్ సుధా మధుర మాన్య వదాన్య సమస్త సాక్షివై
రంజన రాడ్విభూసతి కిరణ్మణి సీత లసద్విరామ మా
తం జనవే కనన్ ! సుగుణ ధామ కృపన్ మముఁ జూడఁ గొల్తు నిన్! 1.
క :- జన భాగ్యమై జన నిరం - జన వర్ధన సల్పు వేల్ప! సన్మంజుల వాక్
జన రాడ్విభూ! సతి కిర - ణ్మణి సీత లసద్విరామ ! మాతన్ జనవే కనన్ !
గీ :-జనని! రంజన వర్ధన సల్పు వేల్ప! - మధుర మాన్య వదాన్య.! సమస్త సాక్షి!
సతి! కిరణ్మణి ! సీత లసద్విరామ ! - సుగుణ ధామ! కృపన్ మముఁ జూడఁ గొల్తు.
ఉ :- పావని! జానకీ హరిణ భ్రాంతి నిరంత మహద్విపన్నదీ
రావణు చేర్చగా, భ్రమిత రాక్షస మాయ నిబద్ధ చిత్తయై
యా వనమందె రావడిలె నంగన రామ ప్రభావమేది కా
దే వరలన్. సతిన్ కలియు దీక్షను రామునిఁ గాంచ నొప్పెదే! 2.
క :- వని జానకీ హరిణ భ్రాం - తి నిరంత మహద్విపన్నదీరావణుచే
వన మందె రావడిలె నం - గన. రామ! ప్రభావమేది కాదే వరలన్!
గీ :- హరిణ భ్రాంతి నిరంత మహద్విపన్న! - భ్రమిత రాక్షస మాయ నిబద్ధ చిత్త !
వడిలె నంగన రామ ప్రభావమేది! - కలియు దీక్షను రాముని గాంచ నొప్పె!
ఉ :- ధీవర రామభూ పవన తేజ! రమా నుత వాగ్వివర్ధి! సా
ధ్వీవర నేకతన్ దురిత భీషణ భాషణఁ దూరు చుండు కా
దో? వరదాధిపా! దయను దుష్కర కాంతల దౌష్ట్యమాపు. స
ద్భావన తోపమిన్ పెరుఁగు భ్రష్టుని మాయలు. భీతిఁ గొల్పుమా? ౩.
క :- వర రామభూప! వన తే - జ రమా నుత వాగ్వివర్ధి సాధ్వీ వరనే
వరదాధిపా! దయను దు - ష్కర కాంతల దౌష్ట్యమాపు సద్భావనతో!
గీ :- పవన తేజ, రమా! నుత వాగ్వివర్ధి. - దురిత భీషణ భాషణఁ దూరు చుండు
దయను దుష్కర కాంతల దౌష్ట్యమాపు - పెరుఁగు రావణ మాయలు భీతిఁ గొల్ప!
ఉ :- సీతను, కాంతి హీనను, కసిం గను రావణ నాశ మెన్ని, కం
జాత ముఖిన్, గనన్, విషయ సంగ్రహ మా రఘువీరుఁ జేర్చి భూ
జాతను, పన్ తమున్ మలిన శాసను నాతని మట్టుఁ బెట్టు, సా
కేత విభూత్తమున్ పతి నికేతనమున్ మన పంపుఁ దేరువా! 4.
క :- తను కాంతి హీనను కసిం - గను రావణ నాశ మెన్ని, కంజాత ముఖిన్
తనుపన్, తమున్, మలిన శా - సను నాతని మట్టుఁ బెట్టు, సాకేతవిభూ!
గీ :- నను కసిం గను రావణ నాశ మెన్ని - విషయ సంగ్రహ మా రఘువీరుఁ జేర్చి,
మలిన శాసను నాతని మట్టుఁ బెట్టు, - పతి నికేతనమున్ మన పంపుఁ దేరు?
ఉ :- లంకను జానకిన్ హనుమ! లక్ష్య నిధాన మహాత్ముఁడమ్మహా
శంకరుఁడే కనన్. నినుఁ బ్రశస్తముఁగా కరుణించి కాచు. నీ
వింకను చూడనౌన్. సకల విత్ ఘన రామ వశంబు చేయు తా
నింక. రమన్ సదా శుభము లెల్ల నినున్ వలచున్ ప్రపూజ్యమై! 5.
క :- కను జానకిన్ హనుమ ల - క్ష్య నిధాన మహాత్ముఁ డమ్మహా శంకరుఁడే!
కను చూడ నౌన్! సకల విత్ - ఘన రామ! వశంబు చేయు తా నింక రమన్!
గీ :- హనుమ లక్ష్య నిధాన మహాత్ముఁడమ్మ! - నిను ప్రశస్తముగా కరుణించి కాచు!
సకల విత్ ఘన రామ వశంబు చేయు! - శుభము లెల్ల నినున్ వలచున్ ప్రపూజ్య!
ఉ :- భౄ నికటంబునన్ వరలు మేనక పుత్రుఁడు స్వాగతించు నా
డూన కనున్ గదా! సురస కోడక గెల్చి, సుశోభ గాంచుదే!
శ్రీ నికరంబుఁగా హనుమ సింహికఁ జంపెడు హాయిఁ గొల్పు. హే
ళీనయనాబ్జశ్రీ నరసి లీలగ చేరెడు నద్భుతాంశమా! 6.
క :- నికటంబునన్ వరలు మే - నక పుత్రుఁడు స్వాగతించునాఁడూన కనున్.
నికరంబుఁగా హనుమ సిం - హికఁ జంపెడు, హాయిఁ గొల్పు హేళీనయనా!
గీ :- వరలు మేనక పుత్రుఁడు స్వాగతించు - సురస కోడక గెల్చి, సుశోభ గాంచు!
హనుమ సింహికఁ జంపెడు హాయిఁ గొల్పు. - నరసి లీలగ చేరెడు నద్భుతాంశ!
ఉ :- రాముని బాంధవా! హనుమ! లంఘన వారిధి నంత దాటిగా
క్షేమముఁ గానఁగా భువిజ! చెన్నుగ లంకకుఁ బ్రోవ వచ్చితే!
ప్రేమను సీతకై వెదకి పెత్తన మొప్పగ ప్రీతిఁ గాంచుతన్
రామ నృపాశ్రితా! శుభము రంజిలఁ జేయుచు శోభ పెంచుతన్. 7.
క :- ముని బాంధవా! హనుమ లం - ఘన వారిధి నంత దాటిగా క్షేమముఁగా
మను సీతకై వెదకి పె - త్తన మొప్పగ ప్రీతిఁ గాంచుతన్ రామ నృపా!
గీ :- హనుమ లంఘన వారిధి నంత దాటి - భువిజ! చెన్నుగ లంకకుఁ బ్రోవ వచ్చి
వెదకి పెత్తన మొప్పగ ప్రీతిఁ గాంచు - శుభము రంజిలఁ జేయుచు శోభ పెంచు!
ఉ :- లంకనె సీతకై కన కులంబున రాక్షస కాంతలయ్యె. మే
లింకెటులౌ? భువిన్ కలిగెనే జనకాత్మజ? కాన రాదె? శ్రీ
లంకను రావణా శ్రిత విలక్షణ కాంతలె. సీతఁ జూడ, సా
ధ్యంకర ధీయుతా కలుగు తప్పక. శంకలు కల్గ మాన్పులే! 8.
క :- కనె సీతకై. కన కులం - బున రాక్షస కాంతలయ్యె. మేలింకెటులౌ?
కను రావణా శ్రిత విల - క్షణ కాంతలె. సీతఁ జూడ, సాధ్యంకర ధీ!
గీ :- కన కులంబున రాక్షస కాంతలయ్యె . - కలిగెనే జనకాత్మజ? కాన రాదె?
శ్రిత విలక్షణ కాంతలె. సీతఁ జూడ - కలుగు తప్పక. శంకలు కల్గ మాన్పు!
ఉ :- శ్రీ గుణ ధీ వరాలయము చేర్చి, నయాంధుని లక్ష్మి మాపు సీ
తా గుణధిన్. శుభావరణ తారణ నామ ప్రభావ మెన్నునీ
వేగుణ గణ్యుఁడౌ మన విభీషణ హృద్ ఘన మందిరాన సా
క్షీ గుణుఁ డాతఁడే.. కను మశేష శుభావహ కాంతి రేఖలన్. 9.
క :- గుణధీ! వరాలయము చే - ర్చి, నయాంధుని లక్ష్మి మాపు సీతా రమణిన్.
గుణ గణ్యుఁడౌ మన విభీ - షణ హృద్ ఘన మందిరాన సాక్షీ గుణుఁడా!
గీ :- లయము చేర్చి నయాంధుని, లక్ష్మి! మాపు - వరణ తారక నామ ప్రభావ మెన్ను,
మన విభీషణ హృద్ ఘన మందిరాన - కనుమశేష శుభావహ కాంతి రేఖ!
ఉ :- ప్రేమను, సద్గతిన్, మన విభీషణు నిర్మల మందిరాన స
ద్రామ నుతిన్. సదా ప్రణుత రాఘవ నామ విభావ మెన్ను యా
భా మన వేద్య యౌ త్రిజట భక్తి నమేయ ధురీణఁ గాంచితే
రామ విభూత్తమున్ కొలుచు రాక్షస భక్తిని కొర్కె తీరగా. 10.
క :- మను సద్గతిన్, మన విభీ - షణునిర్మల మందిరాన సద్రామ నుతిన్.
మన వేద్యయౌ త్రిజట భ - క్తి నమేయ ధురీణఁ గాంచితే! రామ విభూ!
గీ :- మన విభీషణునిర్మల మందిరాన - ప్రణుత రాఘవ నామ విభావ మెన్ను
త్రిజట భక్తినమేయ ధురీణఁ గాంచి, - కొలుచు రాక్షస భక్తిని కొర్కె తీర!
ఉ :- ధాత్రిజటాయశోకవన తల్ప. జగచ్ఛుభ కామ్య సీత బా
ధా త్రయి తోడుఁగా విషమ దంభుని బాధల వేగుచుండియున్
భా త్రిజగాశ్రయా! మను. స్వభావ జయోత్సుక మాన్య తేజ వ
ర్ధా త్రిగుణాధికా!హనుమ! దక్షతఁ నిల్చి సహాయ మెన్నుదే? 11.
క :- త్రిజటాయశోకవన త - ల్ప. జగచ్ఛుభ కామ్య సీత బాధా త్రయితో
త్రి జగాశ్రయా! మను. స్వభా - వ జయోత్సుక మాన్య తేజ వర్ధా త్రిగుణా!
గీ :- కవన తల్ప! జగచ్ఛుభ కామ్య! సీత! - విషమ దంభుని బాధల వేగుచుండి
మను స్వభావ! జయోత్సుక మాన్య తేజ! - హనుమ దక్షతఁ నిల్చి సహాయ మెన్ను!
ఉ :- రాజిత మన్మధాకృతి విరాజిత సుందర! కృత్తివాస శ్రీ
భా జనితాక్షయీ కరుణ పావని జన్మము కల్గె నమ్మహా
పూజిత! షడ్విరోధ. మను పూజిత సీతమ ధాత్రిఁ జాత శ్రే
యో జనకాత్మజన్కలుపునొప్పుఁగ రాఘవుఁ గౌరవంబుగన్! 12.
క :- జిత మన్మధాకృతి విరా - జిత సుందర! కృత్తివాస శ్రీభా జనితా!
జిత షడ్విరోధ! మను పూ - జిత సీతమ. ధాత్రిఁ జాత. శ్రేయో జనకా!
గీ :- కృతి విరాజిత సుందర కృత్తివాస - కరుణ పావని జన్మము కల్గె నమ్మ!
ధమను పూజిత సీతమ! ధాత్రిఁ జాత! - కలుపు నొప్పుగ రాఘవుఁ గౌరవంబు.
ఉ :- ఆ వనమందు సీతమను నందున నిందున నాశఁ జూచి దు
ర్జీవనయైనదో? బ్రతుక లేనని క్రుంగునొ? రాజ్ఞి సీత తా
లే వని నున్నదో? కనగ లేదొ? ననున్వని కానలేదొ? దుర్
భావ హరా! ప్రభూ! యనుచు పావని చూచు మహాత్మ సీతకై. 13.
క :- వనమందు సీతమను నం - దున నిందున నాశఁ జూచి దుర్జీవనయై
వని యున్నదో? కనగ లే - దొ? ననున్వని కానలేదొ? దుర్భావ హరా!
గీ :- తమను నందున నిందున నాశఁ జూచి - బ్రతుక లేనని క్రుంగునొ? రాజ్ఞి సీత
కనగ లేదొ? ననున్వని కానలేదొ? - యనుచు పావని చూచు. మహాత్మ సీత!
ఉ :- శ్రీ గుణ గణ్యయౌ ప్రథిత సీతను కోరెను రావణుండు తా
వేఁగుట నేకతన్ వలపు వేగిర పెట్టుట పట్టి చూచి రా
వే గణుతించుచున్ పతిగ ప్రేమను జేకొన. పాపిఁ జంపుమా
వేగిరమేర్పడన్ హనుమ వేల్పగు సీత ప్రియాత్ముతోడనే! 14.
క :- గుణ గణ్యయౌ ప్రథిత సీ - తను కోరెను రావణుండు తావేగుటనే
గణుతించుచున్ పతిగ ప్రే - మను జేకొన. పాపిఁ జంపుమా వేగిరమే.
గీ :- ప్రథిత సీతను కోరెను రావణుండు - వలపు వేగిర పెట్టుట పట్టి చూచి
పతిగ ప్రేమను జేకొన. పాపిఁ జంపు - హనుమ వేల్పగు సీత ప్రియాత్ముతోడ!
ఉ :- కావన రమ్యమౌ త్రిజట కాంచెను స్వప్నము . దివ్య లంక శ్రీ
భావ సుధాత్మయౌ భువిజ బాధల కెల్లను మూలమౌటచే
శ్రీ వన హీనమై చెడును. సీతను రక్షణ చేయ నెన్ను ధా
త్రీవరుఁ డార్తితో . పవన తేజ మనోహర భావమెన్నుఁగా ! 15.
క :- వన రమ్యమౌ త్రిజట కాం - చెను స్వప్నము దివ్య లంక శ్రీభావ సుధా
వన హీనమై చెడును. సీ - తను రక్షణ చేయనెన్ను. ధాత్రీ వరుఁడా!
గీ :- త్రిజట కాంచెను స్వప్నము దివ్య లంక - భువిజ బాధల కెల్లను మూలమౌట
చెడును. సీతను రక్షణ చేయనెన్ను. - పవన తేజ మనోహర భావమెన్ను.
ఉ :- ఆవని సంచ రాశ్రిత జనావన! పావని క్షేమ మెన్ని బా
గావహ మైతివా? నయతఁ గాంచ నశోక వనంబు చేరితే్!
కావ నితాంతమై యెగిరి గ్రన్నన శింశుప మెక్కి జూచె నా
శ్రీ వనితన్ కనన్. గనక చింతిలి, వెండియు కాంచు చుండెదే? 16.
క :- వని సంచ రాశ్రిత జనా - వన! పావని క్షేమ మెన్ని బాధావహమై
వ నితాంతమై యెగిరి గ్ర - న్నన శింశుప మెక్కి జూచె నాశ్రీ వనితన్!
గీ :- శ్రిత జనావన! పావని క్షేమ మెన్ని - నయతఁ గాంచ నశోక వనంబు చేరి!
యెగిరి గ్రన్నన శింశుప మెక్కి జూచె - కనక చింతిలి, వెండియు కాంచు చుండె!
ఉ :- లక్షణమందు శ్రీ గణ సులక్షణ సీత ప్రకాశ మెన్ని సం
రక్షణ కై తగన్ ప్రబలి, రాజిలు నీ కపి రాజనంగ ని
న్నీక్షణమాత్రలో వెదకి యీహనుమంతుఁడెవేల్పనంగ స
ల్లక్షణుఁ డౌదువా! శుభము లక్ష్యముతో విరబూయఁజేయుదే? 17.
క :- క్షణమందు శ్రీ గణ సుల - క్షణ! సీత ప్రకాశ మెన్ని సంరక్షణకై
క్షణమాత్రలో వెదకి యీ - హనుమంతుఁడెవేల్పనంగ సల్లక్షణుడౌ.
గీ :- గణ సులక్షణ సీత! ప్రకాశ మెన్ని - ప్రబలి రాజిలు నీ కపి రాజనంగ
వెదకి యీహనుమంతుఁడెవేల్పనంగ - శుభము లక్ష్యముతో విరబూయఁజేయు!
ఉ :- ఆ కలి పల్కులన్ జనని నల్లల నల్లరి సల్పుచుండు లం
కా కలికిల్నిరంతరము. కాంచరు మంచిని ధాత్రి నిల్పగా.
ఆ కుల పాటుచే దశ దిశాచల ధీర నితాంత దుఃఖ. సా
క్ష్యాకరయై మనన్ నచట గాంచిన పావని నాత్మ నిల్పితే! 18.
క :- కలి పల్కులన్ జనని న - ల్లల నల్లరి సల్పుచుండు లంకా కలికిల్.
కులపాటుచే దశ దిశా - చల ధీర నితాంత దుఃఖ సాక్ష్యాకరయై.
గీ :- జనని నల్లల నల్లరి సల్పుచుండు - తరముగాంచరుమంచిని ధాత్రి నిల్ప
దశ దిశాచల ధీర నితాంత దుఃఖ. - నచట గాంచిన పావని నాత్మ నిల్పి!
ఉ :- రాముని తేజమున్, సుగుణ రంజన ధర్మము, శుభ్రదేహ సం
ధామము, వాగ్ఝరీ ప్రభను, ధార్మిక తత్వము, భక్తి, యుక్తియున్.
ప్రేమను, బోధయున్, కరుణ, ప్రేరణ, నొప్పెడు కాంతునెన్ని రా
మామృత మానగా తెలిపె మారుతి సీతమ తెల్వ నంతయున్. 19.
క :- ముని తేజమున్, సుగుణ రం - జన ధర్మము, శుభ్రదేహ సంధామము,వా
మను బోధయున్, కరుణ, ప్రే - రణ, నొప్పెడు కాంతునెన్నిరామామృతమా!
గీ :- సుగుణ రంజన ధర్మము శుభ్రదేహ - ప్రభను, ధార్మిక తత్వము, భక్తి, యుక్తి
కరుణ, ప్రేరణ, నొప్పెడు కాంతునెన్ని - తెలిపె మారుతి సీతమ!తెల్వనంత.
ఉ :- రాజ యశోధనా! సుగుణ రామయ ముద్రికఁ జూప చూచి, మా
రాజస మౌల్య మీ శుభద, రాక్షస నాశిని, యంచు మెచ్చియున్.
రాజన యోగమౌ తన శిరః ప్రియమౌ మణి తానొసంగె శ్రీ
రాజిలఁగన్ గొనన్ తనదు రాముఁడు చూడఁగ! ధన్య జీవివే! 20.
క :- జయశోధనా! సుగుణ రా - మయ! ముద్రికఁ జూప, చూచి, మారాజస మౌ
జన యోగమౌ తన శిరః - ప్రియమౌ మణి తానొసంగె శ్రీ రాజిలఁగన్.
గీ :- సుగుణ రామయ ముద్రికఁ జూప చూచి, - శుభద, రాక్షస నాశిని, యంచు మెచ్చి
తన శిరః ప్రియమౌ మణి తానొసంగె - తనదు రాముఁడు చూడగ! ధన్య జీవి.
ఉ :- నీ కపి చేష్టలన్ వనమునే కుపితంబునఁ బాడు చేయ కో
పాకృతి తోడ రావణ కుభావ ప్రదీప్త విపన్నుఁ జేయఁగా
తా కపటంబుతో నిజ నితాంత పవిత్ర! వినీతుఁ గాల్చె ధా
త్ర్యైక వరాన్వయా వ్రత ధురీణ దురాశ్రయ రావణుండుఁగా ! 21.
క :- కపి చేష్టలన్ వనమునే - కుపితంబున పాడు చేయ కోపాకృతితో
కపటంబుతో నిల నితాం - త పవిత్ర! వినీతుఁ గాల్చె ధాత్ర్యైక వరా !
గీ :- వనమునే కుపితంబున పాడు చేయ - వణ కుభావ ప్రదీప్త విపన్నుఁ జేయ
నిజ నితాంత పవిత్ర! వినీతుఁ గాల్చె - వ్రత ధురీణ దురాశ్రయ రావణుండు!
ఉ :- జంకను! మా ప్రభూ రమణి చౌర్యుని రావణు లంక కాలు నో
శంకరుఁ డాతఁడీ హనుమ, శత్రువు రావణు నంత మెన్నుదున్.
లంకనుమాపతీ సముని లక్ష్మిని సీతను చక్కఁ జూడు మీ
శంక విడన్ ధరన్ మనును శాశ్విత కీర్తి దిశా ముఖమ్ముగా! 22.
క :- కనుమా ప్రభూరమణి చౌ - ర్యుని రావణు లంక కాలు, నో శంకరుఁడా!
కనుమా! పతీ! సముని ల - క్ష్మిని సీతను చక్కఁ జూడుమీశంక విడన్.
గీ :- రమణి! చౌర్యుని రావణు లంక కాలు. - హనుమ శత్రువు రావణు నంత మెన్ను.
సముని లక్ష్మిని సీతను చక్కఁ జూడు - మనును శాశ్విత కీర్తి దిశాముఖమ్ము!
ఉ :- రావణ కుంజరా! మరణ వ్రాతను సీతను మంకు బట్టి ధై
త్యావమతిన్ భువిన్ బ్రతుక ధైర్యము పూనిన పాప వర్తివే!
పావని సీతమన్ ప్రభువు పాలొనరించిన రక్షనిచ్చు నో
ధీవరుఁడా! కనన్ తెలియదే ప్రభు వృత్తము ? దివ్య శక్తియున్? 23.
క :- వణకుం జరా మరణ వ్రా - తను సీతను మంకు బట్టి ధైత్యావమతిన్!
వని సీతమన్ ప్రభువు పా - లొనరించిన రక్షనిచ్చు నోధీవరుఁడా!
గీ :- మరణ వ్రాతను సీతను మంకు బట్టి, - బ్రతుక ధైర్యము పూనిన పాప వర్తి.
ప్రభువు పాలొనరించిన రక్షనిచ్చు - తెలియదే ప్రభు వృత్తము? దివ్య శక్తి!
ఉ :- ధూమ కుటంబుఁగాఁ హనుమ తోకకు నిప్పిడ నాపురంబు క్ష్మా
ధామ హరీప్సితంబు ధుని తాకఁగ సర్వము బుగ్గి చేసెఁ, గా
దా! మకరందమౌ నతఁడు దాహక తృప్తిఁగ నగ్నిఁగూర్చె.హా!
రామ ప్రభూద్వహా!కలఁగె రాముని సీతయు కల్గి యుంటచే. 24.
క :- మకుటంబుఁగాఁ హనుమ తో - కకు నిప్పిడ నాపురంబు క్ష్మాధామ హరీ
మకరందమౌ నతఁడు దా - హక తృప్తిగ నగ్నిఁగూర్చె.హా! రామ ప్రభూ!
గీ :- హనుమ తోకకు నిప్పిడ నాపురంబు - బు, ధుని తాకఁగ సర్వము బుగ్గి చేసె
నతఁడు దాహక తృప్తిగ నగ్నిఁ గూర్చె. - కలఁగె రాముని సీతయు కల్గి యుంట!
ఉ :- సీతమ క్షేమమున్ శుభము సిద్ధము చేయ ప్రశోభినగ్నిఁ తద్
జ్ఞాత ననెన్ సదా హనుమ తాపము మాపుట నర్ధి చేయమం
చో తమసాజ్ఞుఁడా! యతని యోర్పు మహోత్తమ హాయి కోరె. భూ
జాతపతీప్రియా! జనని జానకి సజ్జన సాధు రక్షకై ! 25.
క :- తమ క్షేమమున్ శుభము సి - ద్ధము చేయ ప్రశోభినగ్నిఁ తద్జ్ఞాతననెన్.
తమసాజ్ఞుఁడా! యతని యో - ర్పు మహోత్తమ హాయి కోరె. భూజాతపతీ!
గీ :- శుభము సిద్ధము చేయ, ప్రశోభినగ్నిఁ - హనుమ తాపము మాపుట, నర్ధి చేయ,
యతని యోర్పు మహోత్తమ హాయి కోరె. - జనని జానకి సజ్జన సాధు రక్ష.
ఉ :- సుందర హాసమున్, విజయ సుందర రూపము, విద్వదుక్తి, ధా
త్రిం దమముందటన్ కనిరి దివ్యముగా హరి కాంక్ష తీరగా
ముందరనీ శుభా కృతిని పూజ్య రమన్ బరికించినారు. హా!
సుందరుఁ డార్తితో సుగుణ సోముని రాముని గాంచనేగఁగా. 26.
క :- దర హాసమున్, విజయ సుం - దర రూపము, విద్వదుక్తి, ధాత్రిం దమముం
దర నీ శుభా కృతిని పూ - జ్య రమన్ బరికించినారు. హా! సుందరుఁడా!
గీ :- విజయ సుందర రూపము, విద్వదుక్తి, - కనిరి దివ్యముగా హరి కాంక్ష తీర
కృతిని పూజ్య రమన్ బరికించినారు - సుగుణ సోముని రాముని గాంచనేగ.
ఉ :- నే కనుగొంటి సీతను నేర్పున రామయ! తల్చునెమ్మి పూ
జ్యైక ప్రభావ! లంకను నిశీధిని సీత దిగాలునుండె. రా
మా! కని సీతమన్ దురిత మర్దన చేయుచు దుఃఖమార్పు ద
క్షా కనుమా ననున్ భువిజ సద్గతి సుందర బోధఁ గొల్పుచున్. 27.
క :- కనుగొంటి సీతమను నే - ర్పున రామయ! తల్చునెమ్మి, పూజ్యైక ప్రభా!
కని సీతమన్ దురిత మ - ర్దన చేయుచు దుఃఖమార్పు దక్షా కరుణన్!
గీ :- తమను నేర్పున రామయ తల్చునెమ్మి - కను నిశీధిని సీత! దిగాలునుండె.
దురిత మర్దన చేయుచు దుఃఖమార్పు. - భువిజ! సద్గతి సుందర బోధఁ గొల్పు!
సుందర నక్షత్ర మాల సంపూర్ణము.
మంగళాశాసనము.
ఉ :- మంగళ వాగ్ఝరిన్ భువిజ మంగళ వార్తలె పొంగి పొర్లెగా
మంగళుఁడా! హరీ! పవన మంగళ పుత్రుని భక్తి మెచ్చి సన్
మంగళ శోభకై యొసగె మంగళ హారము నుత్తమాంగి. కన్
మంగళముల్సదా! మహిని మంగళ మొప్పెడు, మంగళంబుఁగా.
క :- గళ వాగ్ఝరిన్ భువిజ మం - గళ వార్తలె పొంగి పొర్లెగా! మంగళుఁడా!
గళ శోభకై యొసగె మం - గళ హారము నుత్తమాంగి. కన్మంగళముల్.
గీ :- భువిజ మంగళ వార్తలె పొంగి పొర్లె - పవన మంగళ పుత్రుని భక్తి మెచ్చి
యొసగె మంగళ హారము నుత్తమాంగి. - మహిని మంగళ మొప్పెడు, మంగళంబు! ఓం తత్సత్.
శ్రీమత్కాణ్వశాఖీయులైన చింతా వేంకట రత్నం, సన్యాసి రామా రావు పుణ్య దంపతుల పుత్రుండును, శ్రీమాన్ కల్వపూడి వేంకట వీర రాఘవాచార్యుల వారి ప్రియ శిష్యుండును, శ్రీ షిరిడీశ దేవ శతక, శ్రీ వేణు గోప ( కంద - గీత - గర్భ చంపకోత్పల ) శతకశ్రీ శివాష్టోత్తర శత పంచ చామరావళి నామంబునంబరగు శివ శతక, వృద్ధ బాల శిక్ష శతక, సుందర ( రామాన్వయ కంద - సీతాన్వయ గీత గర్భ హనుమదన్వయ సుందర ఉత్పల నక్షత్రమాల ) నక్షత్రమాలాద్యనేక గ్రంథ కర్తయు, ఆంధ్రామృతం http://andhraamrutham.blogspot.com బ్లాగు నిర్వాహకుండునగు చింతా రామ కృష్ణా రావు తేదీ. 01- 01- 2012. ని విరచించిన రామ కృష్ణ శతకము సంపూర్ణము.
స్వస్తి.
కృతికర్త.
భాషాప్రవీణ., చిత్రకవితాసమ్రాట్., కవికల్పభూజ., చిత్రకవితా సహస్రఫణి., చింతా రామ కృష్ణా రావు. M.A.,.
విశ్రాంత ఆంధ్రోపన్యాసకుఁడు.
ఫ్లాట్ నెం. A 601. శిల్పాస్ ఆర్వీధర్మిష్ఠ... డీమార్టుకు ఎదురుగా.. మియాపూర్, హైదరాబాద్. 49.
తెలంగాణా. భారత దేశము. చరవాణి 8247384165
రచనలు.
1) అనంత ఛందము౨౨౦౦ కొఱకు శతకము.
2) అశ్వధాటి సతీ శతకము. (ప్రాస నియమముతో, ప్రతీపాదమునా మూడు ప్రాసయతులతో
ఒక్క రోజులో వ్రాసినది.)
3) ఆంధ్రసౌందర్యలహరి.
4) ఆంధ్రామృతమ్, పద్యవిపంచి, యువతరంగమ్. బ్లాగులలో అనేక స్వీయ రచనలు.
5) కాళిదాసు కాళీ అశ్వధాటికి తెలుఁగు పద్యానువాదము.
6) క్షీరాబ్ధిపుత్రీరమా! శతకము.
7) చంపక భారతీ శతకము. (ఒక్క రోజులో వ్రాసినది.)
8) నేరెళ్ళమాంబ సుప్రభాతమ్.(సంస్కృతంలో)
9) పురుష సూక్త ఆంధ్ర పద్యానువాదము.
10) ప్రజ పద్య సీస గర్భిత ఆటవెలది కృష్ణ శతకము.
11) బాలభావన శతకము.
12) మూకపంచశతి పద్యానువాదము.
13) మేలిమిబంగారం మన సంస్కృతి. సంస్కృత సూక్తిశ్లోకములకు తెలుఁగు పద్యానువాదము.
14) రమాలలామ శతకము. (ఒక్క రోజులో వ్రాసినది.)
15) రాఘవా! శతకము.
16) రామకృష్ణ శతకము. (ఒక్క రోజులో వ్రాసినది.)
17) రుద్రమునకు తెలుగు భావము.
18) లలితా శ్రీచంద్రమౌళీశ్వర శతకము. (ఒక్క రోజులో వ్రాసినది.)
19) వసంతతిలక సూర్య శతకము.
20) విజయభావన శతకము.
21) వృద్ధబాలశిక్ష శతకము. (ఒక్క రోజులో వ్రాసినది.)
22) వేదస్తుతి, షోడశ చిత్రకవితలు.
23) శ్రీ అవధానశతపత్రశతకము.
24) శ్రీచక్రబంధ అష్టలక్ష్మీ స్తోత్రము.
25) శ్రీచక్ర బంధ సప్తస్వర సర్వమంగళాష్టకము.
26) శ్రీచక్రబంధ మంగళాష్టకము.
27) శ్రీచక్రబంధ శ్రీరామ దశకము.
28) శ్రీమదాంధ్రభగవద్గీత చింతామృతం.
29) శ్రీమద్యాదాద్రి శ్రీనృసింహ శతకము.(అష్టోత్తరశత నృసింహనామాంచిత118 ఛందో గర్భ చిత్ర
సీసపద్యశతకము.)
30) శ్రీమన్నారాయణ శతకము.(ద్విత్వనకార ఏక ప్రాసతో.)
31) శ్రీమన్నారాయణీయ పద్యానువాదము.
32) శ్రీయాజ్ఞవల్క్య శతకము. (ఒక్క రోజులో వ్రాసినది.)
33) శ్రీ లక్ష్మీ సహస్ర నామాంచిత సహస్రపద్యదళ పద్మము.
34) శ్రీలలితా సహస్ర నామాంచిత పద్యసహస్రదళపద్మము.
35) శ్రీవేణుగోప కంద గీత గర్భ చంపకోత్పల శతకము. (బంధచిత్రకృతి ఒకే శతకమున మూడు
మకుటములతో మూడు శతకములు.)
36) శ్రీ శిరిడీశ దేవ శతకము,(వారం రోజులలో వ్రాసినది.)
37) శ్రీశివాష్టోత్తరశతపంచచామరావళి (శివశతకము. ఒక్కరోజులో వ్రాసినది.)
38) శ్రీ శివాష్టోత్తరశతనామాన్వితాష్టోత్తరశత విభిన్నవృత్త శివశతకము.
39) సుందర కాండ.(రామాన్వయముగా కందపద్యములు, సీతాన్వయముగా తేటగీతి పద్యముల
హనుమదన్వయముగా ఉత్పలమాలలుతో సుందరోత్పల నక్షత్రమాల.)
40) సురగవి నవ రత్నమాలిక. (చిత్రకవితా ప్రసూనములు.)
41) సువర్ణమాలా స్తుతి. శంకరుల శ్లోకములకు పద్యానువాదము
42) స్వతంత్ర భారత వజ్రోత్సవము సందర్భముగా రకార ప్రాసతో
అష్టోత్తర శత పాద ఉత్పలమాలిక.
43) శ్రీరామ పట్టాభిషేకం. తేదీ. 10 - 3 -2025 మరియు 11 - 3 - 2025.తేదీల మధ్యవిరచితము.
44) శాంభవీ శతకము.(మధ్యాక్కర గర్భ చంపకోత్పలాలు. ఏకదిన విరచితము) 20 – 4 – 2025.
45) శ్రీ అరుణాచలేశ్వరాష్టోత్తరశతనామాంచిత పద్యపుష్పార్చన.(తే.08 - 8 - 2025.)
46) గణపతి అష్టోత్తరశతనామాన్విత పద్యావళి. శాంకరీ శతకము. (ఒక్కరోజులో వ్రాసినది) తే. 31 - 8 - 2025.
స్వస్తి.
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.