జైశ్రీరామ్.
1,కం;-ఆంధ్రామృత సారధి వర
సాంధ్రానంత కవన సరళి!సౌరులు జిమ్మన్!
మంద్రం బందని తీరున
చంద్రికలం దేలి యాడె!సౌ రుచు లెలయన్!
2,శా:-వాగ్దేవీ!భువనైక సాధ్వి!కరుణం!వాగార్ధ సంప్రోక్తమై!
స్నిగ్ధంబౌ!శివమాధృతిం వరదమై!నిష్టా గరిష్టంబునన్!
దుగ్ధంబుల్జిలుకం రసో వరాశిం!దోర్బంధ చిత్రాత్మతన్!
వాగ్ధాటిం యవధాన కేళి!వరలన్!వహ్వా యనం చొప్పదే!
3.చం:-తెలుగు వెలుంగులం దనియు!నాంధ్రులు భారతా వనిన్!
వెలుగు మెరుంగు జాతి!భువి వెల్లుల మేలురభావనా స్మృతిన్!
జిలుగు లలందు చంద్రికల!స్నిగ్ధ మనోజ్ఞ ప్రతీకలై!రిలన్!
చెలియలు దాట నోప రిల!శ్రీకర సాగర ధీరు లిద్ధరన్!
4.ఉ:-శాంతము మారు రూపమయి!చక్కటి సంస్కృతి కాలవాలమై!
పంతము నూని విద్యలను!పట్టుగ నేర్చియు!నారి తేరియున్!
కాంతికి కాంతిగా నిలచుగౌరవ వర్యులు,భక్తి తత్పరుల్!
స్వాంత పరోప కారులయి!సద్వరదంబుల నెంతు రెల్లెడన్!
5.మత్త కోకిల;-
రావ రంజిని భారతీ సతి!రమ్య రాగ సరాగమై!
భావ గుంభిత పద్మ జోద్భవు!భావ సార వరామమై!
దేవ దుంధుభి నిస్వనంబుల!దివ్యులుం గరుణింపగా!
శ్రీ వరామృత!తెల్గు వెల్గుత!జీవ ధాత్రి సుఖింపగా!
6.ఉ;-కొండను ఢీకొనం గలుగు!కోరిక యున్నను శక్తి చాలదే!
పండిత కీర్తి ధీ నిధులు పల్వురు వాణిని జిహ్వ నిల్పిరే!
కండువ జాచి!జ్ఞాననిధి!కైవశ మందగ గొల్తు నమ్మ!నీ
వండగ నిల్చి!ప్రాజ్ఞునిగ!పద్ధతి దీర్చుమి నల్వు రాణిరో!
7.ఉ;-ఎంతటి గర్భ కావ్యమును!యిచ్ఛత ప్రాకృత సంస్కృతంబులన్!
సంతత జ్ఞాన వైదుషిని!చక్కగ కూర్చ గలంగు!సద్వరా!
మంతన చిత్ర మార్భటుల!మన్నన లందిన మేల్గురుండవై!
సంతతి తీర్చి దిద్దు సు రసార మారయ!రామ కృష్ణ ధీ!
8.ఉ:-తాడిని తన్నువాని తల దన్నెడు వార లదెందరో?భువిన్!
పాడఠి పోదురే!పరుల పట్టుగ దీర్చగ నోప కిద్ధరన్!
చేడియ లాట గాదు!పర శ్రేయము గోరిన!విద్య వృద్ధియౌ!
పాడి ఘటించి శిష్య తతి!పట్టును!పెంచెదు!రామ కృష్ణ ధీ!
9,ఉ:-శాంతి యహింస మార్గముల!సత్కవితా వని దేలి యాడ శ్రీ
కాంతు.డహస్కరుల్గలిసి!చక్కటి జీవన,భద్ర శక్తులున్!
చింతన మందు శర్వు డిల!శ్రేయత గూర్చుత!లోక రక్షకై!
పంతము నొందు జ్ఞానతను!భద్ర తమంబదె?మాన వాళికిన్!
జైహింద్.
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.