ధన్యానాముత్తమమ్ దాక్ష్యం. .. మేలిమిబంగారం మన సంస్కృతి.

 జైశ్రీరామ్.

శ్లో.  ధన్యానాముత్తమమ్ దాక్ష్యం - ధనానాముత్తమమ్ శ్రుతమ్ ।

లాభనాం శ్రేయ ఆరోగ్యం - సుఖానాం తుష్ఠిరుత్తమా ॥

(యుధిష్ఠిర గీత 53వ శ్లోకం)

తే.గీ.  భౌతికముకంటె మర్యాద వసుధ నిన్న,

జ్ఞానమెన్నగ సంపదకన్న ఘనము,

ధనము కన్నను స్వస్తత ధరణి మేలు,

సుఖములందున తుష్టియే చూడ ఘనము. 

భావము. మర్యాద గల ప్రవర్తన భౌతిక విషయాల కంటే శ్రేష్ఠమైనది, 

జ్ఞానం సంపద కంటే గొప్పది. ధనలాభము కంటే ఆరోగ్యం శ్రేష్ఠమైనది 

మరియు సంతృప్తి అనేది అన్నింటిలోనూ ఉత్తమమైనది.

జైహింద్.

Print this post