యస్య నాహంకృతో భావో - ...18 - 17...//... జ్ఞానం జ్ఞేయం పరిజ్ఞాతా - ...18 - 18,,,//.....అథాష్టాదశోధ్యాయము - మోక్షసంన్యాసయోగము

 జైశ్రీరామ్.

శ్లో.  యస్య నాహంకృతో భావో బుద్ధిర్యస్య న లిప్యతే|

హత్వాऽపి స ఇమాఁల్లోకాన్న హన్తి న నిబధ్యతే. || 18-17 ||

తే.గీ. ఎవ డహంబును వీడునో, యెవని బుద్ధి

కర్మలం దగల్కుండునో, గణ్యుడయిన

యట్టివాడు లోకుల జంప, నంటనేర

దట్టి కర్మఫలంబెన్న నతనికిలను.

భావము.

ఎవరిలో అహంకారం లేదో, ఎవరి బుద్ధి కర్మలో తగుల్కోదో, అతడు 

ఈ లోకులను చంపినా, చంపినవాడు కాదు. బంధనంలో చిక్కుకోడు.

శ్లో.  జ్ఞానం జ్ఞేయం పరిజ్ఞాతా త్రివిధా కర్మచోదనా|

కరణం కర్మ కర్తేతి త్రివిధః కర్మసంగ్రహః. || 18-18 ||

తే.గీ. జ్ఞాత, జ్ఞానమున్ జ్ఞేయము, కర్మకెపుడు

ప్రేరణము గొల్పుచుండును,వినుము పార్థ!

యింద్రియము, కర్త, కర్మయు, నిట్టి కర్మ

నిర్వహించుచునుండును, నిజము కనుము‌.

భావము.

జ్ఞానమూ, తెలుసుకోవలసిన విషయమూ, తెలుసుకునే వాడూ, ఈ మూడూ కర్మని 

ప్రేరేపించేవి. ఇంద్రియం, కర్మ, కర్మ చేసినవాడు, ఈ మూడూ కర్మని నిర్వహించేవి.

జైహింద్.

Print this post