ఏకాక్షర కందములు ప్రబంధరాజ వేంకటేశ్వర విజయవిలాసంలోని 223వ పద్యం

జైశ్రీరామ్.

ఏకాక్షర కందములు

ప్రబంధరాజ వేంకటేశ్వర విజయవిలాసంలోని 223వ పద్యము.
లోలాళిలాలిలీలా
ళీలాలీలాలలేలలీలలలలులే
లోలోలైలాలలల
ల్లీలైలలలాలలోలలేలోలేలా
(ఇందులో ల-ళ లకు భేదము లేదు కావున పద్యమంతా
ల - అనే హల్లుతో కూర్చబడినదిగా భావించాలి)
ప్రతిపదార్థము.
లోల - చలించుచున్నట్టి,
అళి - తుమ్మెదలను,
లాలి - లాలించునట్టి,
లీలా - శృంగారక్రియగలిగినట్టి,
ఆళీ - చెలికత్తెలయొక్క,
లాలీ - లాలిపాటలయొక్క,
లాల - లాలయను పాటయొక్క,
ఏల - ఏలపదాలయొక్క,
లీలలు - విలాసములు,
అలలు - అతిశయములు,
లే - అవులే,
లోలో - లోలోయనే,
ల - స్వీకరించయోగ్యమయినట్టి,
ఐల - గుహలయందు,
అల - అఖండములయినట్టి,
లలత్ - కదలుచున్నట్టియు,
లీల - క్రీడార్థమయినట్టియు,
ఏలల - ఏలకీతీగలయొక్క,
లాల - ఉయ్యాలలు,
ఓలలు - హేరాళములే,
లోల - ఆసక్తిగలిగిన,
ఐలా - భూదేవిగల శ్రీవేంకటేశ్వరస్వామీ.
భావము..
ఆసక్తిగలిగిన భూదేవిగల శ్రీవేంకటేశ్వరస్వామీ! చలించుచున్నట్టి తుమ్మెదలను లాలించునట్టి శృంగారక్రియగలిగినట్టి చెలికత్తెలయొక్క లాలిపాటలయొక్క లాలయను పాటయొక్క ఏలపదాలయొక్క విలాసములు అతిశయములు అవులే లోలోయనే స్వీకరించయోగ్యమయినట్టి గుహలయందు అఖండములయినట్టి కదలుచున్నట్టియు క్రీడార్థమయినట్టియు ఏలకీతీగలయొక్క ఉయ్యాలలు హేరాళములే,

 జైహింద్.

Print this post