విభూషణాయమహతే - మేలిమి బంగారం మన సంస్కృతి.

జైశ్రీరామ్. 

శ్లో. విభూషణాయమహతే  -  తృష్ణా తిమిరహారిణే,

నమః సంతోషరత్నాయ  -  సేవావిష వినాశినే.

తే.గీ.  తృప్తి సంతోషమొసఁగెడి దివ్యరత్మ

మదియె నశియింపఁజేయు దురాశనిశిని,

విషసమానమౌ సేవక వృత్తి మాపు,

నట్టిసంతోషమునకు నేనంజలింతు.

భావము:  "సంతృప్తి" అనే మహారత్నము మంచి అలంకారము. దురాశ అను 

చీకటిని తొలగించును. "సేవ" అనే  విషాన్ని   నశింపజేయును. కనుక 

సంతోషము అనెడి రత్నమునకు నమస్కారము.

అమ్మ దయతో

చింతా రామకృష్ణారావు.

జైహింద్.

Print this post