గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

15, జనవరి 2020, బుధవారం

అరసున్నా....బండీరా..ఱ......వివిధ వీయస్సెన్ పద్మ

జైశ్రీరామ్.
*ఎవరు రాసారో తెలియదు.  "అరసున్న" ,(బండి ర) "ఱ" గురించి వాట్సాప్ లో ఎవరో షేర్ చేశారు.*

*అరసున్న [ఁ],*
*బండి 'ఱ' లు ఎందుకు?*

*అరసున్న~బండి ‘ఱ‘ లు*
*నేటిభాషలో దాదాపుగా వాడుకలో లేవు.*

*ఐతే ఇవి తెలుగు భాషకి ప్రత్యేకమైనవి.*

*ద్రావిడ భాషా లక్షణాన్ని నిరూపించేవి.*

*అంతేకాదు*
*కావ్యభాషలోను,*
*లక్షణశాస్త్రంలోను*
*వీటి ప్రాముఖ్యం చాలావుంది.*

*వాడకపోతే పరవాలేదు*
*కానీ*
*వీటిగురించి తెలుగువాడు తెలుసుకోవాలిగదా!*

*మన భాషాసంపదలో*
*ఇవీ భాగస్వాములే అని గ్రహించాలి గదా!*

*అరసున్న, ఱ ల వల్ల*
*అర్థభేదం ఏర్పడుతొంది.*

*పదసంపదకి ఇవి తోడ్పడతాయి.*

*ఎలాగో చూడండి:*
*ఉదా*:-

*అరుఁగు*
*= వీది అరుగు*

*అరుగు*
*= వెళ్ళు, పోవు*

*అఱుగు*
*= జీర్ణించు*

*ఏఁడు*
*= సంవత్సరం*

*ఏడు*
*= బాధ~7 సంఖ్య*

*కరి*
*= ఏనుగు*

*కఱి*
*= నల్లని*

*కాఁపు*
*= కులము*

*కాపు*
*= కావలి*

*కాఁచు*
*= వెచ్చచేయు*

*కాచు*
*= రక్షించు*

*కారు*
*= ఋతువుకాలము*

*కాఱు*
*= కారుట (స్రవించు)*
(కారు=వాహనం ఆంగ్ల పదము)

*చీఁకు*
*= చప్పరించు*

*చీకు*
*= నిస్సారము, గ్రుడ్డి*

*తఱుఁగు*
*= తగ్గుట*

*తఱుగు*
*= తరగటం(ఖండించటం)*

*తరి*
*= తరుచు*

*తఱి*
*= తఱచు*

*తీరు*
*= పద్ధతి*

*తీఱు*
*= నశించు*

*దాఁక*
*= వరకు*

*దాక*
*= కుండ, పాత్ర*

*నాఁడు*
*= కాలము*

*నాడు*
*= దేశము, ప్రాంతము*

*నెరి*
*= వక్రత*

*నెఱి*
*= అందమైన*

*నీరు*
*= పానీయం*

*నీఱు*
*= బూడిద*

*పేఁట*
*= నగరములో భాగము*

*పేట*
*= హారంలో వరుస*

*పోఁగు*
*= దారము పోఁగు*

*పోగు*
*= కుప్ప*

*బోటి*
*= స్త్రీ*

*బోఁటి*
*= వంటి [నీబోఁటి]*

*వాఁడి*
*= వాఁడిగాగల*

*వాడి*
*= ఉపయోగించి*

*వేరు*
*= చెట్టు వేరు*

*వేఋ*
*= మరొకవిధము*

*మన తల్లిదండ్రులు*
*మన మాతృభాష*
*ఎంతో విలువైనవి*

*గుర్తుంచుకుందాం*
*గౌరవించుకుందాం*

*ఇవి మన సంపద*
*తెలుసుకుని సంతోషపడదాం*
జైహింద్.
Print this post

1 comments:

రాజేశ్వరి నేదునూరి చెప్పారు...

నమస్కారములు
వేరు వేరు అర్ధాలున్న కొన్ని పదాలను చక్కగా వివరించారు ధన్య వాదములు

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.