మేలిమి బంగారం మన సంస్కృతి 125.

జైశ్రీరామ్.

శ్లో:-

విద్వత్వంచ నృపత్వంచ నైవ తుల్యం కదాచన

స్వదేశే పూజ్యతే రాజా, విద్వాన్ సర్వత్ర పూజ్యతే.

గీ:- పాండితికి సరికాదిల ప్రభుత చూడ

రాజు పూజింపఁబడు తన రాజ్యముననె,

పండితీయుతులెటనైన ప్రతిభ చేత

పూజలందుట నిక్కము భూమిపైన.

భావము:-

పాండిత్యము, రాచరికము ఒకదానితో మరొకటి పోల్చుటకు వీలు లేదు. రాజు స్వదేశమునందు మాత్రమే పూజింపఁబడును. పండితుఁడు మాత్రము లోకములో ఎక్కడికి వెళ్ళినా పూజింపఁ బడును.

కాబట్టి సాహిత్యపు విలువలు కలిగిన వాటిని పఠిస్తూ ఉండాలి. శోధించి తెలుసుకొంటూ ఉండాలి. అప్పుడు పాడిత్యము అలవడకుండా ఎలా ఉంటుంది. గ్రథాలు చదువుతూ ఉండండి.

జైహింద్.

Print this post