గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

8, జనవరి 2022, శనివారం

సఙ్కరో నరకాయైవ.. ||1-42||..//..,దోషైరేతైః కులఘ్నానాం.. ||1-43||..//..అర్జున విషాద యోగము.

 జైశ్రీరామ్.

శ్లో.  సఙ్కరో నరకాయైవ కులఘ్నానాం కులస్య |

పతన్తి పితరో హ్యేషాం లుప్తపిణ్డోదకక్రియాః ||1-42||

తే.గీ. వర్ణ సాంకర్యమగుటచే వర్ణమునకు,

కులవినాశన మూలమౌ కారకులకును

నరకమే గతి, పితరులి నరకమొందు

దురుగపిండోదకవిహీనులౌదురు కన.

భావము.

సాంకర్యం వలన కులానికి, కులాన్ని నాశనం చేసినవారికి నరకమే గతి.

వీరి పితరులు పిండోదక క్రియలు లేక నరకంలో పడతారు.

శ్లో.  దోషైరేతైః కులఘ్నానాం వర్ణసఙ్కరకారకైః |

ఉత్సాద్యన్తే జాతిధర్మాః కులధర్మాశ్చ శాశ్వతాః ||1-43||

తే.గీ. వర్ణ సంకర హేతువౌవారిదోష

మునను శాశ్వత కుల ధర్మ ములు నశించు,

జాతి ధర్మంబులు నశించు, ఖ్యాతి చెడును,

దుస్స్థితుల నుండి కాపాడు తోయజాక్ష!

భావము.

వర్ణసంకరానికి కారకులైన కులనాశకుల దోషాల వలన 

శాశ్వతమైన  జాతి ధర్మాలు, కులధర్మాలు పెకలింప బడతాయి. 

జైహింద్ 

Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.