స్వధర్మమపి చావేక్ష్య న.. || 2 . 31 || ..//..యదృచ్ఛయా చోపపన్నం..|| 2 . 32|| ..//..సాంఖ్యయోగము.

 జైశ్రీరామ్.

శ్లో.  స్వధర్మమపి చావేక్ష్య న వికమ్పితుమర్హసి |

ధర్మ్యాద్ధి యుద్ధాచ్ఛ్రేయో௨న్యత్ క్షత్రియస్య న విద్యతే || 31

తే.గీ.  నీదు ధర్మంబు కనియైన నీవుజంకు

వీడఁగాతగు, యుద్ధంబు వీరవృత్తి

క్షత్రియోత్తమ! యిది నీవు కానలేవొ?

ధర్మబద్ధంపు వర్తన తగును నీకు. 

భావము.

నీ ధర్మాన్ని తెలుసుకుని అయినా నీవు జంకకు. ఎందుకంటే 

క్షత్రియుడికి ధర్మయుద్ధాన్ని మించిన మహాభాగ్యం మరొకటి లేదు.

శ్లో.  యదృచ్ఛయా చోపపన్నం స్వర్గద్వారమపావృతమ్ |

సుఖినః క్షత్రియాః పార్థ లబంతే యుద్ధమీదృశమ్ || 32

తే.గీ.  తెరచి యున్న స్వర్గ ద్వార మరయ యుద్ధ

రంగము  లభియించెను నీకు బెంగదేల?

పుణ్యఫలమిదికనగ నపుణ్యులకిల

దొరకబోదని గ్రహియించు దురిత దూర.

భావము.

తెరచివుంచిన స్వర్గద్వారం లాంటి ఈ సంగ్రామం నీకు అప్రయత్నంగా 

లభించింది. ఇలాంటి సదవకాశం పుణ్యం చేసుకున్న క్షత్రియులే 

పొందగలుగుతారు.

జైహింద్.

Print this post