గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

22, జనవరి 2022, శనివారం

అథ చేత్త్వమిమం ధర్మ్యం.. || 2 . 33 || ..//..అకీర్తిం చాపి భూతాని కథయిష్యంతి.. || 2 . 34 || ..//..సాంఖ్యయోగము.

 జైశ్రీరామ్.

శ్లో.  అథ చేత్త్వమిమం ధర్మ్యం సంగ్రామం న కరిష్యసి |

తతః స్వధర్మం కీర్తిం చ హిత్వా పాపమవాప్స్యసి || 33

తే.గీ.  చేయుమీ ధర్మ యుద్ధము చేయకున్న

కులపు ధర్మము వీడిన కూళవగుదు

పేరు ప్రఖ్యాతులన్ బాపు భీరువగుదు,

పాపివగుదు వర్జున నీవు పరువు తీసి.

భావము.

నీవు ఈ ధర్మయుద్ధం చేయకపోతే నీ కులధర్మమూ, పేరు 

ప్రఖ్యాతులూ పాడుచేసి పాపం  కట్టుకంటావు.

శ్లో.  అకీర్తిం చాపి భూతాని కథయిష్యంతి తే௨వ్యయామ్ |

సంభావితస్య చాకీర్తిః మరణాదతిరిచ్యతే || 34

తే.గీ.  అంత మాత్రమే కాదయ, వింతగాను,

నీకు కలిగిన యపకీర్తి లోకమందు

చెప్పుకొందురు లోకులు, చింత చేయ

మరణమే కన యపకీర్తి మాన్యులకును., 8

భావము.

అంతే కాకుండా నీ అపకీర్తిని ప్రజలు చిరకాలం చెప్పుకుంటారు. 

పరువు  ప్రతిష్ఠలున్నవాడికి  అపనిందకంటే మరణమే మంచిది.

జైహింద్.

Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.