గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

3, జులై 2014, గురువారం

సా శ్రీర్యా న మదం కుర్యాత్... మేలిమి బంగారం మన సంస్కృతి, 218.

జైశ్రీరామ్.
శ్లో. సా శ్రీర్యా న మదం కుర్యాత్స సుఖీ తృష్ణయోజ్ఝితః 
తన్మిత్రం యత్ర విశ్వాసః పురుషః స జితేంద్రియః.  
                                                            గీ. గర్వమును చేర నీయని కలిమి కలిమి.                                                                          
ఆశనెడఁ బాసి పొందెడి హాయి హాయి,                                                                           ఇలను విశ్వాసపాతృఁడౌ హితుఁడు హితుఁడు.                                             మహిజితేంద్రియుఁడైనట్టి మనిషి మనిషి.
భావము. గర్వాన్ని కలుగజేయనిదే అసలైన సంపద.ఆశను జయించినవాడే సుఖవంతుడు. విశ్వాసపాత్రుడే నిజమైన మిత్రుడు.ఇంద్రియాలను జయించినవాడే ఉత్తమపురుషుడు.
జైహింద్.
Print this post

1 comments:

రాజేశ్వరి నేదునూరి చెప్పారు...

నమస్కారములు
ఇవన్నీ నిజమే కానీ ఎంతమంది జయించ గలరు ? అన్నదే ప్రస్న .కాకపోతే " సాధనమున పనులు సంకూరు ధరలోన అన్నట్టు కొన్నిపనులు దీక్షతో సాధించ వచ్చునేమొ .ఈ ఆణి ముత్యాలను దృష్టిలో ఉంచు కుంటే కొంతసాధించ వచ్చును ధన్య వాదములు

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.