సమస్యా పూరణము చేద్దామా ?

అభిమాన ధన సాహితీ బంధువులారా! మీ ఆంధ్రామృతాస్వాదనా తత్పరతకు అభినందనలు.

ఆకలి పోకార్పే అన్న పూర్ణ యైన ఆంధ్ర దేశంలో ఎందరో దాహార్తితో ప్రభుత్వానికి అనేక విన్నపాలు చేసుకొంటున్నారు. "వరి" నీరైపోతే మనకి ముందుగా దాహార్తి తీరుతుంది కదా అనిపించింది. అదే విషయాన్ని వ్రాశాను.

ఐతే"వరి" నీరైపోతే దాహార్తి సమస్య తీరినా ఆహార సమస్య వచ్చి పడుతుంది కదా! అందుకే ఇదో పెద్ద సమస్యగా మారిపోయింది.

ఇటువంటి సమస్యాయుత సమయాల్లో ధీవరులైన కవివరులు మాత్రమే నన్నీ సమస్య నుండి గట్టెక్కించ గలరని నమ్ముతూ, సమస్యా పూరణము చేయగలందులకు మనవి చేయుచున్నాను.

"వరి" నీరమైన ప్రజకున్ "దాహార్తి" పోకార్చెడున్.

మీకు కూడా నాకు వచ్చినట్లుగానే సమస్యలు వస్తూ ఉండ వచ్చు కదా! ఐతే మీ సమస్యలను కూడా మాతో పంచుకోండి. తప్పక అందరం కలిసి నివారించుకొందాం.

పై సమస్యకు సంబంధించి మీ కేమైనా సందేహాలుంటే నిస్సందేహంగా వ్రాయవలసినదిగా మనవి.

జైహింద్.

Print this post