చెప్పుకోండి చూద్దాం 20.

సాహితీ ప్రియులారా!

చెప్పుకోండి చూద్దాం 15 కు స్వాగతం. ఈ క్రింది సీసంలోగల ప్రశ్నలకు సమాధానం చెప్పే ప్రయత్నంలో కృత కృత్యులవగలరని నా నమ్మకం.

ఇక ఆ సీస పద్యాన్ని చూడండి.

సీ:-

ఏనుగు సింహంబు నెలనాగయును కూడ - ఒక మాట లోపల నుండ వలయు.

పక్షియు వస్త్రంబు పాషాణమునుగూడి - యొక మాట లోపల నుండ వలయు.

ఫణి రాజు ఫణి వైరి ఫణి భూషణుని గూడి - యొక మాట లోపల నుండ వలయు.

రారాజు రతి రాజు రాజ రాజును గూడి - యొక మాట లోపల నుండ వలయు.

గీ:-

దీని యర్థంబు చెప్పుడీ దీప్యముగను - నేర్పు మీరగ మీరలు నెనరు మీర.

చెప్పువారలు పండిత శ్రేష్ఠులు గద. - చెప్పదలచిన వారలు చెప్పుడయ్య.

సమాధానం పంపగలరు కదూ?

జైహింద్.

Print this post