న కాఙ్క్షే విజయం కృష్ణ.. ||1-32||..//..యేషామర్థే కాఙ్క్షితం నో.. ||1-33|..//.. అర్జునుని విషాద యోగము.

 జైశ్రీరామ్.

శ్లో.  న కాఙ్క్షే విజయం కృష్ణ న చ రాజ్యం సుఖాని చ |

కిం నో రాజ్యేన గోవిన్ద కిం భోగైర్జీవితేన వా ||1-32||

తే.గీ.  కోరను విజయము, నే నిన్

గోరను రాజ్యంబు సుఖము, కోరెదఁ జెపుమా

గోరిన రాజ్యము భోగము

నేరీతి ఫలము కలుగును కృష్ణా! కృపతో.

భావము. ఓ కృష్ణా! నేను జయం కోరను, రాజ్యం కాని సుఖాలు కాని 

కోరను. గోవిందా  రాజ్యం వలన కాని, భోగాల వలన కాని, 

జీవించడం వలన కాని  ప్రయోజనం ఏమిటి.

శ్లో.  యేషామర్థే కాఙ్క్షితం నో రాజ్యం భోగాః సుఖాని చ |

త ఇమేऽవస్థితా యుద్ధే ప్రాణాంస్త్యక్త్వా ధనాని చ ||1-33||

తే.గీ.  రాజ్య, సుఖ, భోగములెవరి రంజనకని

కోరుచుంటిమో, వీడిరి వారు సర్వ

సంపదలను, ప్రాణములను,  శాశ్వతముగ,

నిలిచి యుండిరిచ్చోటనే, నీరజాక్ష!

భావము.

ఎవరికోసం మనం రాజ్యాన్ని, సుఖ భోగాన్ని కోరుకుంటామో వారు 

ప్రాణాలను, సంపదలనుత్యజించి ఇక్కడ నిలబడి ఉన్నారు.

జైహింద్

.                                                                                                                                                                      

Print this post