నా గురించి నేను .... నిర్వహణ భక్తిసాధనం.

జైశ్రీరామ్.

ఓం శ్రీమాత్రే నమః.

శ్రీమన్మంగళ భక్తి సాధన సమూహ సభ్యులకు ప్రణామములు.

అంశము ... నాగురించి ....

 

సీ.  నా యన్నదెవరని నన్ను నేనడుగ, తా నా తండ్రి నడుగంగ నన్నుఁ బంపె,

సన్యాసి రామాఖ్య సదయులౌ నాతండ్రి, నా తల్లి రత్నమ్ము నన్నుఁ జూచి

పాంచ భౌతిక దేహ బద్ధుఁడై పరమాత్మ నీ దేహమందున నిలిచియుండ,

తానె నీవైతివి, తాదాత్మ్యతంజెంది నిన్ను నీ వెఁఱిఁగుము నియతి ననిరి,

తే.గీ.  అప్పు డేన్ గాంచి తాత్మలో ననుపమముగ

నున్న నా తల్లిదండ్రులే  యుమయు శివుఁడు

నాదు ప్రాణమై నాలోన మోదమలర

యున్నవిషయంబు నా యన్న దున్నదదియె.

 

ఆత్మస్వరూపులయిన ఆ పార్వతీ పరమేశ్వరులకు ప్రణమిల్లుచు

చింతా రామకృష్ణారావు.

జైహింద్.

Print this post