సంస్కృతం అంటే ఏమిటి? వివరణ బ్రహ్మశ్రీ బాబూ దేవీదాస్ రావు పండిట్.

 జైశ్రీరామ్.

సంస్కృతం అంటే ఏమిటి? వివరణ బ్రహ్మశ్రీ బాబూ దేవీదాస్ రావు పండిట్.

బ్రహ్మశ్రీ బాబూ దేవీదాస్ రావు పండిట్.

శ్లో.  "సంస్కృతం సంస్కృతం నామ - న పదం వ్యర్థ సంజ్ణికం 

అన్వర్థాక్షర మేతద్ధి - సంస్కరోతీతి సంస్కృతమ్"

సంస్కృత భాషకుగల సంస్కృతమను నామము కేవలం సాంకేతికమూ నిరర్థకమూ గాదు. సార్థకము  " సంస్కారోతీతి సంస్కృతం. " అను నిర్వచనము ఈ భాషయొక్క సార్థకతను దర్షింప జేయుచున్నది. సం  + కరోతి  - ఇట సమ్పరిభ్యాం కరోతౌ భూషణే ; సమవాయే చ " అను పాణిని సూత్రములచే 'సుట్ ' అను ఆగమము చేరి 'సంస్కారోతి ' అను రూపమేర్పడును. అని వ్యాకరణశాస్త్రము చెప్పుచున్నది. " పురుషుని అలంకరించునది. సంఘటిత పరుచునది. అని రెండర్థములు. అనగా ; ఈ భాష పురుషునకు అలంకారమై సంఘీభావమునకు దోహదము చేయునని ఈ నిర్వచనము వలన స్పష్టమగుచున్నది. 

" వాణ్యేకా సమలంకరోతి పురుషం యా సంస్కృతా ధార్యతే " 

అనుచు భర్తృ హరియు సంస్కృత శబ్ద నిర్వచనమును తద్భాషా వైశిష్యమును తెలియజేయుచున్నాడు. ఎచట ' ఏకా 'అను శబ్దము మానవుల కలంకార ప్రాయమై భాష ఇది యెక్కటియె ; అని అనిస్పష్టము జేయుచున్నది. 

" యా సంస్కృతా ధార్యతే "

ఈ సంస్కృతమును కేవలము ఇతర భాషలవంటి భాషగానే దర్శించకుడు. దీని యందుగల సంస్కృతత్త్వమును ధర్మమును దర్శించి ధరుంచినపుడే అలంకారమగును. అని అర్థము. నిగమ నిరుక్త వ్యాకరణాదులచే

సు సంస్కృత మైన చిత్తముతో దర్శించినప్పుడు ఈ భాష సువర్ణమయ దివ్య కాంతులను విరజిమ్ముచు దివ్య శోభల వెల్లివిరియజేయుచు దేవభాషయై అమరవాణియై సాక్షాత్కరించును. బాబూ దేవీ దాస్ రావు.

జైహింద్.

Print this post