గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

14, జనవరి 2011, శుక్రవారం

మహనీయులారా! మకరసంక్రాంతి శుభాకాంక్షలు.

మహిమోపేత ధరాతలంబునను సన్మాన్యుల్, జగద్వందితుల్,
బహు సత్కార్య  సుసాధనా ప్రతిభులున్, భక్తిప్రపత్తిస్థిరుల్,
మహనీయుల్ గలరిద్ధరన్. మదిని సంభావింతు నవ్వారలన్
రహిఁ గాంచున్ గద వారలీ మహిత సంక్రాంతిన్ మహద్భాగ్యులై.
ఆ మహనీయు లెవరో కాదు. 
మీరే. 
ఆంధ్రామృత పాన లోలురైన మీ అందరికీ మకర సంక్రాంతి శుభాకాంక్షలు తెలియఁ జేస్తున్నాను. 
ఈ మంచి సమయంలో శ్రీమాన్ వల్లభవఝల అప్పల నరసింహమూర్తి కవి శ్రేష్టుల సర్వలఘు సీసము... కాదు కాదు సర్వలఘువులతో నొప్పారు చున్న పరమార్థ రహస్యామృతమును మీ కందించు చున్నందుకు ఆనందంగా ఉంది. 
ఆ కవీశ్వరులకు నా ధన్యవాదములు.

లోకాఃస్సమస్తాస్సుఖినో భవంతు.
జైశ్రీరాం.
జైహింద్.
Print this post

10 comments:

kadambari చెప్పారు...

చింతా రామకృష్ణారావు గారూ!
మీకు మా సంక్రాంతి శుభాకాంక్షలు.

సర్వ లఘు సీస పద్యము గొప్పగా ఉన్నది, ధన్యవాదాలు.

సి.ఉమాదేవి చెప్పారు...

మీకు సంక్రాంతి శుభాకాంక్షలు.మీ పద్యము చాలా బాగుంది.

పిఆర్ తమిరి చెప్పారు...

తెలుగు సంస్కృతికి అద్దంపట్టే సంక్రాంతికి అందరి జీవితాల్లో ఆనందం వెల్లివిరియాలని, ఈ రోజునే ఉత్తరాయణ పుణ్యకాలం ప్రారంభమవుతున్న సందర్భంగా మనందరి ఆలోచనల్లో సరికొత్త క్రాంతి్రేఖలు విచ్చుకోవాలని ఆకాంక్షిస్తున్నాను... ఈ సందర్భంగా మీకూ మీ కుటుంబ సభ్యులకూ శుభాకాంక్షలు....
--పిఆర్ తమిరి

శివ చెరువు చెప్పారు...

మీకు.. మీ కుటుంబ సభ్యులకు, మిత్రులకు , శ్రేయోభిలాషులకు.. సంక్రాతి పండుగ శుభాకాంక్షలు

మంద పీతాంబర్ చెప్పారు...

సర్వ లఘువుల తో సీస పద్యాన్ని వ్రాసిన కవి శ్రేష్టులకు ,అందించిన మీకు ప్రణామములు

మీకు సంక్రాంతి శుభాకాంక్షలు.

కథా మంజరి చెప్పారు...

మీకు, మీ కుటుంబ సభ్యులకు సంక్రాంతి శుభాకాంక్షలు

లంకా రవీంద్ర చెప్పారు...
ఈ కామెంట్‌ను రచయిత తీసివేశారు.
లంకా రవీంద్ర చెప్పారు...
ఈ కామెంట్‌ను రచయిత తీసివేశారు.
లంకా రవీంద్ర చెప్పారు...

ఉ:-
శ్రీ మహనీయవాగ్భువనశేఖర! శ్రీ శుభనామ! ధారణో
ద్ధామ! గుణాభిరామ! లలితాంధ్రమనోరమ! దివ్య గోపనా
రామసుధాకర! ద్విజవిరాజగజాననభద్ర! సస్యసు
క్షేమ మొనర్చు మీకు హరి,కేశవు,భద్రగణాదురెల్లరున్!

- మకర సంక్రాంతి శుభాకాంక్షలు తెలుపుకుంటూ మీ రవీంద్ర.

రాజేశ్వరి నేదునూరి చెప్పారు...

చక్కని చిత్రము అంతకు మించిన అందమైన " సర్వ లఘు సీసము " చాలా బాగున్నాయి అందరికి సంక్రాంతి శుభా కాంక్షలు.

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.