గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

8, మార్చి 2009, ఆదివారం

మహిళా లోకానికి అంతర్ జాతీయ మహిళా దినోత్సవం సందర్భంగా శుభాకాంక్షలు

ఈ 08 - 03 - 2009 వ తేదీన అంతర్ జాతీయ మహిళా దినోత్సవం సందర్భంగా మహిళా లోకానికి మా బ్లాగు తరపున, మా అభిమాన పాఠకుల తరపున శుభాకాంక్షలు.

చ:-
హి మహనీయ మూర్తిగను, మాతగ, జీవన భాగ్య దాతగా,
నహరహమున్ శ్రమించు వినయాన్విత సోదరిగా, కుమార్తెగా,
సహనము తోడ మెల్గుచును సన్నుతిగాంచిన స్త్రీని సత్ కృపన్
మహిమనుఁ జూపి గాచుత! రమా రమణుండు భృశంబు నెల్లెడన్.

శ్లో:-
యా దేవీ సర్వ భూతేషు శక్తి రూపేణ సంస్థితా
నమస్తస్యై నమస్తస్యై నమస్తస్యై నమో నమః.

మహిళా లోకానికి నిత్యం శుభాన్నే ఆకాంక్షిస్తూ వారికి దైవానుగ్రహం కోసం ప్రార్థిస్తున్నాను.
జైహింద్. Print this post

1 comments:

Unknown చెప్పారు...

బాగా వ్రాసారు. మీరు పద్య శిక్షణలో భాగంగా ఇచ్చిన ఆట వెలదిని నేర్చుకొని కొన్ని ఆట వెలదుల్ని 'కోట్లు కూడబెడుతు; కుర్చి నెక్కి' అనే మకుటంతో నా నరసింహ బ్లాగులో ప్రారంభించాను ఈ రోజే. దయతో చూసి తప్పులుంటే తెలియ జేయ గలరు.

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.