గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

22, మే 2019, బుధవారం

అష్టోత్తరశత సంఖ్య ప్రాశస్త్యమ్. . ..శ్రీ పురిఘెళ్ళ వెంకటేశ్వర్లు, శ్రీపీఠం

జైశ్రీరామ్.
మహాద్భుత సంఖ్య 108 ప్రకృతి సూత్రాలలో అంతర్లీనంగా నిండి ఉంది.  విశ్వ నిర్మాణంలో ప్రముఖ పాత్రను పోషిస్తోంది.
జీవునికి, దేవునికీ మధ్య చక్కని వారధి 108.
మన దేవతలను పూజించే స్తోత్రాలు అష్టోత్తర శత నామాలతో కూడి ఉంటాయి.
జపమాలలో 108 పూసలు ఉంటాయి.
మానవుడిని మాధవునితో కట్టి ఉంచే ఆథ్యాత్మిక బంధం 108.
నటరాజు 108 నాట్య భంగిమలతో విశ్వమంతా నర్తిస్తున్నాడని ప్రసిద్ధి.
శ్రీచక్ర మహాయంత్రం లో 54 స్త్రీ అంతర్భాగాలు, 54 పురుష అంతర్భాగాలు ఉంటాయి.  రెండూ కలిపితే 108.
సంస్కృత భాషలో అక్షరాలు 54. వాటి స్త్రీ, పురుష రూపాలు కలిపితే 108.
భూమికీ, సూర్యునికీ మధ్య దూరం సూర్యుని వ్యాసానికి సుమారు 108 రెట్లు (సూర్యుని వ్యాసం 1.38 మిలియన్ కిలోమీటర్లు.  భూమికీ, సూర్యునికి మధ్య దూరం 149.6 మిలియన్ కిలోమీటర్లు.  అంటే దాదాపు 108 రెట్లు.
భూమి వ్యాసానికి సూర్యుని వ్యాసం 108 రెట్లు.  (భూమి వ్యాసం 12,742 కిలోమీటర్లు. సూర్యుని వ్యాసం 1.38 కిలోమీటర్లు.  దానికి ఇది 108 రెట్లు).
చంద్రుని వ్యాసానికి, భూమి-చంద్రుల మధ్య దూరం సుమారు 108 రెట్లు (చంద్రుని వ్యాసం 3,474 కిలోమీటర్లు.  భూమి, చంద్రుల మధ్య దూరం 3,84,400 కిలోమీటర్లు.  దానికిది 108 రెట్లు).
మానవ దేహంలో 108 మర్మ స్థానాలు ఉన్నాయని ఆయుర్వేదం చెబుతుంది.
మనిషి రోజుకి సరాసరి 21,600 సార్లు శ్వాసిస్తాడు.  ఈ శ్వాసలలో 10,800 సూర్యాంశ, 10,800 చంద్రాంశ.
12 రాశులు, 9 గ్రహాలూ ఆధారంగా ప్రకృతి గడియారంలో కాలచక్రం తిరుగుతోంది.  12క్ష్9=108.
నక్షత్రాలు 27.  ఒక్కొక్క నక్షత్రానికి పాదాలు 4.  27X4=108 నక్షత్ర పాదాలు.
ఒక మహాయుగం (కృత + త్రేతా + ద్వాపర + కలి యుగాలు కలిపితే) కాలమానం 43,20,000 సంవత్సరాలు. ఇది 108 కి గుణిజం.
గణిత శాస్త్రం లో కూడా 108 ఒక ఆసక్తికరమైన సంఖ్య.  (1) X (2 X 2) X (3 X 3 X 3) = 108.
ఒక వ్యక్తి ఆత్యాత్మికంగా అత్యున్నత స్థానం చేరాలంటే సాధనలో 108 మెట్లు ఎక్కాలని భావించే వారు ఎందరో ఉన్నారు.  అందుకే భగవంతునికీ, భక్తునికీ అనుసంధానమై ఉన్నది 108.
- పురిఘెళ్ళ వెంకటేశ్వర్లు, శ్రీపీఠం
జైహింద్.
Print this post

3 comments:

రాజేశ్వరి నేదునూరి చెప్పారు...

నమస్కారములు
అష్టోత్తర శతసంఖ్య వైభవాన్ని చక్కగా తెలిపి నందులకు ధన్య వాదములు

Unknown చెప్పారు...

అద్భుతమైన వ్యాసం

చింతా రామ కృష్ణా రావు. చెప్పారు...

ధన్యవాదాలండి.

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.