ఎందుకయ్యా అంత కోపం? అది చాలా ప్రమాదం సుమా!

శ్లోll

ఉత్తమే క్షణకోప స్స్యాత్, మధ్యమే ఘటికాద్వయం

అధమే స్యా దహోరాత్రం, పాపిష్ఠే మరణాంతకమ్

తే.గీll

ఉత్తముని కోప మొక క్షణ ముండు. నిజము.

మధ్యమునకు రెండుఘడియల్మసలు కోప

మధమునకురాత్రి పగలుండి యంతమగును.

పాపిమరణించు వరకును కోపముండు.

భావము:-

ఉత్తమునకు వచ్చెడి కోపము ఒక్క క్షణ కాలముండి పోవును. మధ్యమునకు వచ్చు కోపము రెండు ఘడియల కాలము మాత్రమే ఉండి పోవును. అధమునకు వచ్చుయ్ కోపమైతే ఒక రాత్రి, ఒక పగలు ఉండును. కాని పాపాత్ములకు వచ్చు కోపము మాతర్ము వారు మరణించు వరకూ ఉండును.

తన కోపమె తన శర్తువు. అన్నారు పెద్దలు. కావున మనం పై విషయం గ్రహించి శాంతాత్ములమై వర్తించే ప్రయత్నం చేయడం ఎంతైనా అవసరం.

జై శ్రీరాం.

జైహింద్.

Print this post