గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

8, మార్చి 2010, సోమవారం

ఆదిశక్తిస్వరూపిణులైన మహిళా మణులందరికీ మహిళా దినోత్సవ శుభాకాంక్షలు.


సృష్టి కారకులైన ఆదిశక్తికి ప్రతీకలై అమృత మూర్తితైన అమ్మగా అనురాగాలొలికించే సహోదరిగా ఆట పాటలాడుతూ అలరారుతూ ఆనందాలు చిందించే ఆడ పడచుగా ఆత్మీయతను పంచి అంతర్గత మహత్శక్తిని వెలికి తీసే ఆత్మీయురాలుగా అసాధారణ ప్రతిభా పాటవాలతో ఇంటా బైటా పరిపూర్ణ బాధ్యతతో ప్రవర్తిస్తూ కుటుంబానికి సమాజానికీ తోడూ నీడగా నిలిచిన అనుపమాన గృహిణిగా అన్ని రంగాలలొ తమదైన శక్తి సామర్థ్యాలతో పురోగతిసాగిస్తూ సమాజం ముందుకు సాగడానికి సహకరిస్తున్న అద్భుత ఆది పరాత్పరగా సహృదయ హృదయాలలో అమృత మూర్తిఐన అమ్మగా జీవన యానం సాగిస్తున్న మహిళా మణు లందరికీ పాదాభివందనములు చేస్తూ అభినందిస్తున్నాను.
అన్నిట శక్తి రూపమున అద్భుతమై యలరారు తల్లులే
క్రన్నన భూ ప్రపంచమున హాయినొసంగెడి అమ్మ యయ్యె. మా
కన్నుల పెట్టి కావదగు. గాంచుచు మిమ్ముల నమ్మలార! మీ
కన్న పసిండి బాలుడనగా నను గాంచుచు నాదరింపరే!
స్త్రీ లోకానికి ముగురమ్మల మూలపుటమ్మల ప్రతీకలైన స్త్రీ మూర్తులందరికీ అభినందన మందార మాల.
జైహింద్. Print this post

1 comments:

రాజేశ్వరి నేదునూరి చెప్పారు...

గౌరవనీయు లైన రామకృష్ణ గారికి ధన్య వాదములు స్త్రీల పట్ల మీ ఆదరాభిమానములకు మరీ మరీ ధన్య వాదములు + కృతజ్ఞతలు

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.