జరా రూపం హరతి........మేలిమి బంగారం మన సంస్కృతి.

జైశ్రీరామ్.

శ్లో. జరా రూపం హరతి ధైర్య మాశా,
మృత్యుః ప్రాణాన్ ధర్మచర్యా మసూయా.
కామో హ్రియం వృత్త మనార్యసేవా,
క్రోధః శ్రియం సర్వ మేవాభిమానః.

తే.గీ. ముసలితనమున రూపము పోవు. నాశ
వలన ధైర్యమణఁగు. మృతివలననుసురు
పోవు. ధర్మముననసూయపోవు. పోవు
లజ్జ కామమునను. దుష్టులవలనను
పోవు
మంచి నడత, కోపమునను మహిని ధనము,
గర్వమున్ బోవు సర్వము. గరుడగమన!

భావం.
ముసలితనము రూపాన్నీ , ఆశ ధైర్యమును , మృత్యువు ప్రాణాలను , అసూయ ధర్మప్రవృత్తినీ , కామము లజ్జను , దుష్టసేవ సత్ప్రవర్తనను , కోపము ఐశ్వర్యమును , గర్వము సర్వమును హరించివేస్తాయి .

మొదటిదాన్నీ మూడోదాన్నీ ఎలానూ తప్పించుకోలేం. కనుక మిగిలినవాటినైనా వదిలించుకొనే ప్రయత్నం చేద్దాం.

జైహింద్.

Print this post