గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

13, ఆగస్టు 2012, సోమవారం

పూజామందిరంలో ప్రవేశించే ముందు....? ఆసనముపై కూర్చొనే ముందు...?

జైశ్రీరామ్.
ఆర్యులారా! మనము పూజామందిరమున అత్యంత భక్తిశ్రద్ధలతో పూజాదికములు నిర్వహిస్తూ ఉంటాము కదా! ఐతే మనము పూజా మందిరమునకు ప్రవేశించే సమయంలో ఏమి చెయ్యాలో, ఆసనమును ఏ విధముగా సిద్ధము చేసుకోవాలో మహానుభావులైన పూర్వీకులు వివరించి యున్నారు. 
పరిశీలించండి.
శ్లో:- అతి తీక్ష్ణ మహాకాయ కల్పాంత దహనోపమ
భైరవాయ నమస్తుభ్యం అనుజ్ఞాం దాతుమర్హసి.
ఈ శ్లోకము పూజా మందిరము లోనికి ప్రవేశము చేయక మునుపు భైరవుని దగ్గర అనుమతి తీసుకొని, జప స్థలమును 12 సార్లు ప్రణవమును ఉచ్చరించుచూ ఉదకముతో సంప్రోక్షించి, ఆ స్థలము పై కూర్మ యంత్రమును లిఖించ వలయును. దానిపై ఆసనము వేయవలెను.
పూజామందిరమున అమర్చుకొన వలసిన ఆసనము.
ఆసనము:- ఆసనము మీద క్రమముగా ధర్భాసనము, కృష్ణాజీనము, చిత్ర కంబళం, వస్త్రమును పరచుకొని దానిపై కూర్చుండవలెను. కూర్చుండుటకు ముందు ఆసనము పూజ చేయ వలెను.
ఓం ఆధార శక్త్యై నమః , కూర్మాయ నమః , అనంతాయ నమః, వరహాయ నమః, పృధివ్యై నమః  అని అంటూ పూజ  చేయ వలెను.  ఆ పై జప సాధన చేయ వలెను.  
తెలియనివి తెలుసుకోవటం, తెలుసుకొనిన మంచివాటిని అనుసరించటం అనేవి మనం నిత్యం చేస్తూనే ఉంటాము కాబట్టి ఈ పై విషయాలను కూడా అవగాహన చేసుకొని అనుసరిద్దామా?
జైహింద్.
Print this post

3 comments:

durgeswara చెప్పారు...

mamchi suchanalu ichchaaru
jaishriraam

anrd చెప్పారు...

చక్కటి విషయాలను అందించినందుకు కృతజ్ఞతలండి.

rama చెప్పారు...

కూర్మ యంత్రం వ్రాసిన ఆసన వస్త్రం ఎక్కడ దొరుకుతుంది ?

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.