యథా హ్యేకేన చక్రేణ, మేలిమి బంగారం మన సంస్కృతి,

జైశ్రీరామ్.

శ్లో. యథా హ్యేకేన చక్రేణ న రథస్య గతిర్భవేత్ 

ఏవం పురుష కారేణ వినా దైవం న సిద్ధ్యతే. 

గీ. చక్రమొకటున్న రథమెట్లు సరిగ పోదొ
దైవ బలమొక్కటను సిద్ధి దక్కబోదు
నరుని యత్నము కావలె నరసి చూడ.
పిదప దైవంబు తోడౌను వివిధ గతుల. 

భావము. ఒక్క చక్రముతో మాత్రమే గల రథము నడక ఏవిధముగ సాధ్యము కాదో అదే విధముగా పురుష ప్రయత్నము లేకుండా దైవము వలన మాత్రమే కార్యములు సిద్ధింప బడవు. 

జైహింద్.

Print this post