జైశ్రీరామ్.
102. శక్తి ప్రదా! కనుచు రక్తిన్ సదా ప్రజను, యుక్తంబుగా నడుపుమా.
భుక్తి ప్రదా! ధిషణ శక్తి ప్రదాయివయి. రక్తిన్ నినున్ గొలవనీ
యుక్తి ప్రదా జనుల శక్తిన్ వెలుంగు మిల నక్తంచరాళికిని స
న్ముక్తి ప్రదాయివిగ, . ముక్తావళిన్ గొనుమ శక్తీ! దయామయ సతీ!
భావము.
దయతో నిండిన ఓ సతీ మాతా! ఓ శక్తిస్వరూపిణీ! శక్తిప్రదాతవయిన ఓ తల్లీ!
అనురాగముతో చూచుచు ఎల్లప్పుడూ ప్రజలను తగినట్లుగా
నడిపించుమమ్మా. మాకు ఆహారమును ప్రసాదించెడి తల్లీ! మాకు
బుద్ధిశక్తినొసగుదానివయి, అనురాగముతో నిన్ను సేవించనిమ్ము. మాకు
యుక్తిని ప్రసాదించు జననీ! ప్రజలయొక్క శక్తిలో నీవే
ప్రకాశింపుము, నిశాచరులగు చోరాదులకును ముక్తినొసగు తల్లీవి!
ఈ పద్యములనెడి ముత్యముల సమూహమును స్వీకరింపుము.
జైహింద్.
Print this post
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.