నిన్నుం గాంచిరి ధీనిధుల్ జగమునన్ .... శ్రీమన్నారాయణ శతకము .6వ పద్యము. రచన చింతా రామ కృష్ణారావు. గానం శ్రీమతి దోర్బల బాల సుజాత

 జైశ్రీరామ్.

6. శా. నిన్నుం గాంచిరి ధీనిధుల్ జగమునన్ నిత్యాత్ముఁగా నేర్పుతోన్

గన్నుల్ వేయిగ, కాళ్ళు వేయి, శిరముల్ గాంచంగ వేయుండుటన్,

సున్నాయౌ పరి పూర్ణమందు నిను దాసుల్గాంచినారయ్య! శ్రీ

మన్నారాయణ! చూతునన్నిట నినున్ మన్నించి నిన్ గాంచనీ.  

భావము.

ఓ శ్రీమన్నారాయణా! ధీ నిధులు నిన్ను నిత్యాత్మునిగా లోకములో 

వేయి కన్నులుగ, పాదములువేయిగా వేయి శిరములుగా నీకు ఉండుట. 

శూన్యమయిన ఆకారములో పరిపూర్ణ స్వరూపుడుగా నీదాసులు నిన్ను 

నైపుణ్యముతో చూడఁగలిగిరి. నిన్ను నేను అన్నింటియందును చూతును. 

నన్నుమన్నించి  నిన్ను చూడనిమ్ము.

జైహింద్.

Print this post